08:39, 19 - قىركۇيەك 2015 | GMT +6
وسكەمەندە بانك قىزمەتكەرى 10 مىڭ دوللاردى قوقىسپەن بىرگە شىعارىپ، كەيىن اقشانى جوعالتىپ العان
استانا. قازاقپارات - وسكەمەندەگى بانك قىزمەتكەرى 10 مىڭ دوللار اقشا ۇرلاماق بولدى. بەينەباقىلاۋ تاسپالارىنىڭ نازارىنا ءتۇسىپ، وزىنە كوڭىل اۋدارتپاۋ ءۇشىن ايەل اقشانى قوقىس تاستايتىن شەلەككە سالىپ، ونى جۇمىس ورنىنان شىعارىپ تاستادى، دەپ حابارلايدى YK-news.kz.
اقشانىڭ جوعالۋىن انىقتاعان بانك باسشىلىعى تەرگەۋ امالدارىن باستاعاندا، قىلمىسكەردىڭ كىم ەكەنى انىقتالدى.
سوتتا ايىپتالۋشى جۇمىستان ۇيگە ورالعان كەزىندە سومكەسىنە سالعان اقشانى جوعالتىپ العانىن ايتتى. ايتسە دە ايەل شىعىندى ءوز ەركىمەن وتەپ بەردى. سوت ايىپتالۋشىنىڭ ءۇش بالاسىنىڭ بارىن ەسكەرىپ، وعان جەڭىلدىك جازا - شارتتى تۇردە بەس جىلعا باس بوستاندىعىنان ايىرۋ جازاسىن شىعاردى.
سوت ۇكىمى زاڭدى كۇشىنە ەنگەن جوق.