استانا ەكسپو كومپانياسىنان 10 ميلليارد تەڭگەدەن استام قاراجات ۇرلانعان - ق. قوجامجاروۆ
بۇل تۋرالى بۇگىن ءماجىلىسىنىڭ جالپى وتىرىسى بارىسىندا جۋرناليستەرگە بەرگەن سۇحباتىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى قايرات قوجامجاروۆ ءمالىم ەتتى.
اگەنتتىك ءتوراعاسىنىڭ ايتۋىنا قاراعاندا، «استانا ەكسپو» كومپانياسىنىڭ بۇرىنعى لاۋازىمدى تۇلعالارىنا قاتىستى ءىس بويىنشا سوتقا دەيىنگى تەرگەۋ اياقتالدى. قازىرگى كۇنى جەمقورلىق قىلمىسىمەن ايىپتالۋشىلاردى قىلمىستىق ءىس ماتەريالدارىمەن تانىستىرۋ ۇدەرىسى جۇزەگە اسۋدا.
«تۇتاستاي العاندا وسى ءىس بويىنشا 24 تۇلعا تەرگەلۋدە، ال يەلەنۋ ارقىلى ۇرلانعان سوما جالپىلاما العاندا 10 ميلليارد 200 ميلليون تەڭگەدەن اسادى. سونىڭ ىشىندە ەرمەگيايەۆ مىرزانىڭ تىكەلەي 4 ميلليارد 200 ميلليون تەڭگەنى يەلەنگەنى دالەلدەنىپ وتىر. بۇل رەتتە ەكسپو- نىڭ اقشالاي قاراجاتى ەسەبىنەن اكتيۆتەر الۋ سەكىلدى ماسەلەلەر دە بار ەكەنىن ەسكە سالامىن»، - دەدى ق. قوجامجاروۆ.
ونىڭ سوزىنە قاراعاندا، سىبايلاس جەمقورلىققا قاتىستى ايىپتالۋشىلار ەكسپو- عا بولىنگەن اقشالاي قاراجاتقا تۇرعىن ۇيلەر، اۆتوكولىكتەر، قوناق ءۇي كەشەندەرىن ساتىپ العانى انىقتالعان.