13:20, 04 - قىركۇيەك 2015 | GMT +6
ايدىن ايىمبەتوۆ عارىشقا 10 قوراپ قۇرت الىپ كەتتى
استانا. قازاقپارات - ايدىن ايىمبەتوۆ قازاقتىڭ ۇلتتىق تاعامى قۇرتتىڭ 10 قورابىن عارىشقا الىپ كەتتى. ءوز ونىمدەرىن ۇسىنعان بىرنەشە كاسىپورىننىڭ ىشىنەن «استانا- ءونىمنىڭ» تاۋارى تالاپتارعا ساي كەلگەن.
مەكەمە وكىلىنىڭ ايتۋىنشا، ارنايى كوميسسيا ىرىمشىك پەن قۇرتتىڭ اراسىنان تاڭداۋ جاساپتى. ءبىر اپتا ىشىندە زەرتحانالىق تەكسەرىس جۇرگىزىلگەن. ۇلتتىق تاعامنىڭ عارىشكەرلەرگە پايدالى ەكەنىن تۇسىنگەن ماماندار عارىشقا 1,5 كەلى قۇرتتى الىپ كەتۋگە رۇقسات بەرگەن.
ايتا كەتەيىك، اۋە كەمەسىندەگى ءاربىر بوس ورىن باعالى. سوندىقتان عارىشكەرلەردىڭ تاعامى وتە جەڭىل ءارى جاقسى ساقتالۋى ءتيىس.
زيناگۇل قوجانتايەۆا، «استانا- ءونىم» اق تەحنولوگ- مەڭگەرۋشىسى:
- عارىشكەرلەرگە قۇرتتىڭ پايداسى وتە زور. قارىندارى اشقاندا ازىق بولىپ، شولدەگەندە ءشولىن باسىپ، قۋات بەرەدى. قۇندىلىعى مول تاعام. عارىشكەرلەرگە، باۋىرىمىز ايدىنعا ۇلتتىق تاعامىمىز كۇش- قۋات بەرىپ، ەلىمىزگە امان- ەسەن ورالۋىن تىلەيمىز.