الماتى وبلىسىندا كولىك ۇرلاعان 10 ايەل جاۋاپكەرشىلىككە تارتىلدى

تالدىقورعان. قازاقپارات - الماتى وبلىستىق ءى ءى د باسپا ءسوز قىزمەتىنەن حابارلاعانداي، اعىمداعى جىلى وڭىردە كولىكتى ايداپ اكەتۋدىڭ 204 فاكتىسى تىركەلدى.
None
None

پوليتسەيلەر 158 اۆتوموبيلدى تاۋىپ، زاڭدى يەلەرىنە قايتاردى.

وبلىستىق پوليتسيادا بيىل ءتارتىپ ساقشىلارى 134 كولىك ايداپ اكەتۋشىنى ۇستاعانىن ايتتى. ولاردىڭ 10 ى - ايەلدەر.

«كۇدىكتى رەتىندە ايەلدەر قاراستىرىلىپ جاتقان بەس كولىكتى ايداپ اكەتۋ فاكتىسى قاراساي اۋدانىندا، تورتەۋى تالعار جانە بىرەۋى پانفيلوۆ اۋدانىندا تىركەلگەن. ۇستالعان تۇلعالار ءتيىستى جاۋاپكەرشىلىككە تارتىلدى»، - دەپ ءتۇسىندىردى ءى ءى د باسپا ءسوز قىزمەتىنەن.

كولىك ايداپ اكەتۋدىڭ سوڭعى ەكى فاكتىسى تالعار اۋدانىندا تىركەلگەن. قىلمىسكەرلەر ۇستالدى.

سوڭعى جاڭالىقتار