يۋاننىڭ 10 پايىزعا دەيىن قۇنسىزدانۋى مۇمكىن بە؟

استانا. قازاقپارات - يۋان سوڭعى 20 جىل ىشىندە ەڭ ءىرى دەۆالۆاتسياعا ۇشىرادى.
None
None

وتكەن اپتادا قىتاي حالىق بانكى ۇلتتىق ۆاليۋتاسىن ءۇش كۇن قاتارىنان قۇنسىزداندىرعان بولاتىن. بۇگىنگى كۋرس بويىنشا 1 ا ق ش دوللارى 6,4 يۋانعا تەڭ.

دەۆالۆاتسيا دەڭگەيى بار- جوعى %2 عا جۋىق دەگەنىمىزبەن، بۇل الەمدەگى ەكىنشى ءىرى ەكونوميكاسى بار ەل ءۇشىن دە ايتارلىقتاي سەزىلدى. وسى ەلدەگى مەنشىكتى ءتىلشىمىز جەرگىلىكتى ەكونوميستەرمەن سۇحباتتاسىپ، اتالعان جاعدايدىڭ قازاقستان ەكونوميكاسىنا اسەرىن سۇرادى. قىتاي ورتالىق بانكى ۇلتتىق ۆاليۋتانىڭ %10 عا قۇنسىزدانۋى جونىندەگى بولجامدى جوققا شىعاردى. ال دەۆالۆاتسيانى يۋانمەن بەرىلەتىن نەسيەنىڭ ارتىپ كەتكەنىمەن تۇسىندىرەدى. شىلدە ايىندا قىتاي بانكتەرى 1,5 تريلليون يۋاننىڭ نەسيەسىن بەرگەن. بۇل جوسپارلى بولجامنان بىرنەشە ەسەگە كوپ. سوندىقتان ورتالىق بانك قارجى- نەسيە ساياساتىن جەڭىلدەتتى. قىتاي ساراپشىلارىنىڭ سوزىنشە بۇل ەكسپورتتى جانداندىرىپ، ەكونوميكالىق دامۋى باياۋلاعان ەل ءۇشىن دۇرىس شەشىم بولدى.

حان شياۋپيڭ، «ەنەرگەتيكالىق اقپارات پروۆايدەرى» كومپانياسىنىڭ ساراپشىسى:

- الەمدەگى كوپتەگەن مەملەكەتتەر قازىر يۋان قۇنىنىڭ وزگەرۋىن نازاردا ۇستاپ وتىر. ب ا ءا، يران سياقتى مۇنايلى ەلدەر بولاشاقتا قىتايعا تابيعي گاز ساتۋعا نيەتتى. ال قىتاي بولسا، ەڭ الدىمەن رەسەي، قازاقستان سياقتى بۇرىننان كەلە جاتقان ارىپتەستەرىنە باسىمدىق بەرەرى انىق. سوندىقتان يۋاننىڭ قۇنسىزدانۋى شيكىزاتتى ەلدەر ءۇشىن ءتيىمدى.

ساراپشى ەكونوميكاسىنىڭ دامۋى باسەڭسىپ قالعان قىتاي ءۇشىن شيكىزاتقا سۇرانىس ازايادى دەگەن بولجاممەن كەلىسپەيدى. ويتكەنى بۇدان بىلاي الىپ ەلدە مينەرالدى رەسۋرستارعا سۇرانىس ارتپاسا، كەمىمەيدى.

حان شياوپيڭ، «ەنەرگەتيكالىق اقپارات پروۆايدەرى» كومپانياسىنىڭ ساراپشىسى:

- بۇگىندە قىتاي ەنەرگيا تۇتىنۋداعى ساياساتىن وزگەرتتى. مىسالى كومىر جاعۋدى بىلتىر %3 ازايتسا، بيىل جىل باسىنان بەرى بۇل كورسەتكىش %6 تومەندەگەن. ەلىمىزدە كۇن جانە جەل ەنەرگياسىنان بولەك تابيعي گازعا دەگەن سۇرانىس ارتىپ كەلەدى. ال ءبىز نەگىزىنەن مۇناي مەن گازدى ورتالىق ازيا ەلدەرىنەن تاسىمالدايمىز.

قاراپايىم قىتايلار بولسا قىزىل اقشانىڭ قۇنسىزدانۋىن جاڭا سەزدى. تيانجيندەگى قايعىلى وقيعانىڭ تاساسىندا قالعان دەۆالۆاتسيا تۋرالى حالىق ەندى تالقىلاي باستادى.

فاڭ حۋڭ، بەيجىڭ قالاسىنىڭ تۇرعىنى:

- قىتاي اقشاسىنىڭ قۇلدىراۋىن نازاردا ۇستاپ وتىرعام جوق. ءبىراق كۇندەلىكتى تۇتىناتىن زاتتار باعاسى قىمباتتاپ بارادى. قاراپايىم حالىق ءۇشىن ءتيىمسىز بولىپ تۇر. ويتكەنى ايلىق جالاقىمىزدىڭ مولشەرى وزگەرگەن جوق.

ۋ تيڭجين، بەيجىڭ قالاسىنىڭ تۇرعىنى:

- اقشامىزدىڭ قۇنسىزدانۋى تىرشىلىگىمە ەش اسەر ەتىپ جاتقان جوق. ويتكەنى مەنىڭ جيعان تەرگەن اقشام جوق. ءبىراق ەڭبەك دەمالىسىمدا شەتەلگە ساياحاتتايمىن دەگەن جوسپارىم جۇزەگە اسپايتىن سياقتى.

قىتاي قازىر التىن قورىن كۇشەيتۋگە كوشتى. سونىمەن قاتار ەندى يمپورتتان گورى ەكسپورتقا باسىمدىق بەرمەك. ويتكەنى ا ق ش دوللارىنىڭ بۇل ەلدە كوپ جينالۋى ەكونوميكاسىنا قاۋىپ توندىرە باستاعان. ساراپشىلار، بۇگىندە الەمدەگى ءىرى ەكونوميكالاردىڭ اراسىندا تارتىس ءجۇرىپ جاتقانىن ايتادى. ال ەندى ءبىرى «قىتاي تۇشكىرسە، الەمنىڭ تۇماۋراتقانى» دەگەن پىكىردە.

اۆتورلارى: نۇربەك بەكەن، جاڭ ءسۇي

www.24.kz

سوڭعى جاڭالىقتار