كالينينگراد تۇبىندە تابىلعان قۇپيا قويمادان ءبىرىنشى دۇنيەجۇزىلىك سوعىس كەزىندەگى 10 ميلليارد نەمىس ماركاسى تابىلدى
وندا ⅩⅩ عاسىردىڭ باس كەزىندەگى زاتتار جانە كەيىنگى ۇرپاققا جولدانعان حات تابىلدى.
بۇل تۋرالى ت ا س س اگەنتتىگى «تەحنوپوليۋس GS» ەرىكتىلەر قوزعالىسىنىڭ باسپا ءسوز حاتشىسى ەكاتەرينا تيۋكەلگە سىلتەمە جاساپ حابارلايدى.
«نەستەروۆ اۋدانىنداعى چكالوۆ كەنتىندە ءبىرىنشى دۇنيەجۇزىلىك سوعىستا قازا تاپقاندار جەرلەنگەن زيراتتى جونگە كەلتىرىپ جاتقان ەرىكتىلەر مەتالل جاشىك تاۋىپ العان»، - دەيدى تيۋكەل. ونى گۋسيەۆ قالاسىنىڭ تاريحي- ولكەتانۋ مۋزەيىنىڭ قىزمەتكەرلەرى اشقان. جاشىكتە حاتتىڭ قولجازباسى - ۇرپاققا جولدانعان امانات، ەنتسنەن-تراكەنەن اسكەري قۇرامالارىنىڭ بەلگىشەلەرى، ⅩⅩ عاسىردىڭ باسىنداعى نەمىس جانە شىعىس پرۋسسيالىق پاتريوتتىق گازەتتىڭ بىرنەشە ءنومىرى بولعان.
سونداي-اق مەتالل جاشىكتەن ءتۇرلى اقشا بانكنوتتارى، ۆەيمار رەسپۋبليكاسى داۋىرىندەگى 10 ميلليارد نەمىس ماركاسى (1919-1933 ج. ج) تابىلدى.
