04:10, 20 - شىلدە 2015 | GMT +5
كوشكىن: 10 مىڭنان استام ادام قاۋىپسىز جەرگە شىعارىلدى
استانا. قازاقپارات - تاجىكستاننىڭ تاۋلى باداحشان اۆتونومدى وبلىسىنان كوشكىن سالدارىنان 10 مىڭنان استام تۇرعىن ءقاۋىپسىز جەرگە شىعارىلدى.
وبلىس بيلىگى جاپا شەككەندەردى مەكتەپتەرگە نەمەسە تۋىستارىنىڭ ۇيلەرىنە اتتاندىرۋدا.
تاجىك قۇتقارۋشىلارىنىڭ حابارلاۋىنشا، ۇلكەن سەل گۋند وزەنىنە قۇيىلىپ، ونداعى سۋدىڭ كوتەرىلۋىنە تۇرتكى بولدى. ەندى شۋگنان اۋدانىنىڭ ونداعان ەلدى مەكەنىن جانە 30 مىڭ تۇرعىنى بار حوروگا قالاسىن سۋ باسۋ قاۋپى ءتوندى.
تاۋلى باداحشاننىڭ جاپا شەككەن بارسەم مەن كولحوزوباد ەلدى مەكەندەرىنە تىكۇشاقپەن قاجەتتى زاتتار اپارىلىپ جاتىر. بۇل اۋدانداردىڭ تۇرعىندارى تاۋلى جەرلەردە ءۇيسىز- كۇيسىز ءۇشىنشى تاۋلىك ءومىر سۇرۋدە.
ايماقتاعى ءىرى ەلەكتر تاراتۋ جەلىلەرى ىستەن شىقتى. كوشكىن 50 دەن استام تۇرعىن ءۇيدى قيراتتى، 2 شاقىرىمداي اۆتوموبيل جولىنا زاقىم كەلتىردى، تاۋلى باداحشان اۋدانىنىڭ بارسەم جانە كولحوزوباد ەلدى مەكەندەرىندە ەلەكتر تاراتۋ جەلىلەرىن ىستەن شىعاردى.
