08:26, 04 - شىلدە 2015 | GMT +6
ۇرلەمەلى ماتراس ۇستىندە قالعان 10 ايلىق نارەستەنى جەل اشىق تەڭىزگە الىپ كەتتى
استانا. قازاقپارات - تۇركيادا ادام قۇتقارۋدىڭ اسا سيرەك وقيعاسى بولدى.
جاعالاۋ كۇزەتىنىڭ قىزمەتكەرلەرى اشىق تەڭىزدە ۇرلەمەلى ماتراس ۇستىندە قالقىپ كەتىپ بارا جاتقان 10 ايلىق قىز بالانى قۇتقارىپ قالدى.
بۇل جاعداي ءسابيدىڭ اتا- اناسىنىڭ بەيقامدىعىنان ورىن العان. ۇلكەندەردىڭ ايتۋىنشا، ولار نەبارى بىرنەشە مينۋت قانا ءبۇلدىرشىندى قاراۋسىز قالدىرعان كورىنەدى. وسى از عانا ۋاقىتتىڭ ىشىندە كۇشتى جەل ءسابيدى جاعالاۋدان جارتى شاقىرىمداي قاشىقتىققا الىپ كەتكەن. ونى ءجۇزىپ قۋماق بولعانداردىڭ ارەكەتىنەن ەش نارسە شىقپادى. امال جوق قۇتقارۋشىلاردان كومەك سۇراۋعا تۋرا كەلگەن، دەپ حابارلايدى «روسسيا 24».
