16:12, 01 - ماۋسىم 2015 | GMT +6
فۋتبول: تۇركيا قۇراماسى 10 - ماۋسىمدا الماتىعا كەلەدى
استانا. قازاقپارات - 12 - ماۋسىمدا الماتىداعى ماتچقا قاتىساتىن تۇركيا قۇراماسىنىڭ ويىن كەستەسى بەلگىلى بولدى، دەپ جازادى Sports.kz.
تۇركيانىڭ ۇلتىق قۇراماسى 4 - ماۋسىمدا ىستامبۇلعا جينالادى، اراعا ءتورت كۇن سالىپ بولگاريا قۇراماسىمەن جولداستىق كەزدەسۋ وتكىزەدى.
ال 10 - ماۋسىمدا تۇركيا قۇراماسى شامامەن ساعات 17:35 تە الماتىعا كەلەدى. كەلەسى كۇنى ساعات 19:00 دە «ورتالىق» ستاديوندا ماتچ الدىنداعى جاتتىعۋلارىن وتكىزەدى. ويىن اياقتالعان سوڭ تۇركيا قۇراماسى ىستامبۇلعا ورالادى.
ەستەرىڭىزگە سالا كەتەيىك، قازاقستان جانە تۇركيا قۇرامالارىنىڭ اراسىنداعى ەۋروپا چەمپيوناتىنىڭ ماتچى 12 - ماۋسىم كۇنى الماتى قالاسىندا وتەدى.