پاراگۆايدا پوليتسيا 10 جاستاعى جۇكتى قىزعا تۇسىك جاساۋعا تىيىم سالدى

 استانا. قازاقپارات - پاراگۆايدا ءوزىنىڭ 10 جاستاعى وكىل قىزىن زورلادى دەگەن كۇدىكپەن ونىڭ وگەي اكەسى ۇستالدى، دەپ جازادى «بي-بي-سي».

قازىر جاسوسپىرىم قىزدىڭ جۇكتىلىك مەرزىمى بەس ايعا تولعان. وعان تۇسىك جاساۋعا تىيىم سالىندى.

پاراگۆاي زاڭى بويىنشا، انا ومىرىنە قاۋىپ تونبەگەن جاعدايدا تۇسىك جاساۋ قىلمىستىق ءىس بولىپ تابىلادى.

ەلدىڭ دەنساۋلىق ساقتاۋ ءمينيسترى انتونيو بارروس قىزدىڭ دەنساۋلىق جاعدايى جاقسى ەكەنىن، وعان تۇسىك جاساۋ كەش ەكەنىن مالىمدەدى.

الايدا، ايەلدەر قۇقىعىن قورعاۋشىلار قىز تۋۋ ءۇشىن ءالى تىم جاس ەكەنىن ايتتى. ونىڭ جۇكتى ەكەنى اناسى قىزىندا ىسىك بار دەپ كۇماندانىپ اۋرۋحاناعا اكەلگەن كەزدە بەلگىلى بولدى.

70 ميللين حالقى بار پاراگۆايدا جىل سايىن  14 جاستان كىشى 600 گە جۋىق جاسوسپىرىم جۇكتى بولادى.