15:47, 17 - ءساۋىر 2015 | GMT +5
قىتايدا 10 سەكۋندتا زاريادتالاتىن الەمدەگى العاشقى ەلەكترو اۆتوبۋس شىقتى
بەيجىڭ. قازاقپارات - قىتايدىڭ شىعىسىنداعى جىجياڭ پروۆينتسياسىنىڭ نيڭبو قالاسىندا سىيىمدىلىعى جوعارى اككۋمۋلياتورى بار الەمدەگى العاشقى ەلەكترو اۆتوبۋس شىعارىلدى.

10 سەكۋندتىق قۋات وعان 5 شاقىرىمنان استام قاشىقتىقتى ءجۇرىپ وتۋگە جەتەدى.
ۇزىندىعى 18 م نەمەسە 12 مەتر جاڭا ەلەكترو اۆتوبۋستى قىتايدىڭ وڭتۇستىك «نانچە» لوكوموتيۆ- قۇرىلىس كورپوراتسياسىنىڭ ەنشىلەس كاسىپورنى - ەلەكتروۆوز شىعاراتىن جۋجوۋ كومپانياسى جاسادى.
بۇل كولىك قۇرالىنا ەلەكتر بەرۋ جەلىسى قاجەت ەمەس، ول ءجۇرۋ ءۇشىن ءار ايالدامادا جىلدام قۋات الاتىن قۇرىلعى ورناتسا جەتكىلىكتى. اككۋمۋلياتور جولاۋشىلار شىعىپ- كىرگەنشە قۋات الىپ ۇلگەرەدى. ونى پايدالاۋدىڭ جوبالىق مەرزىمى - 12 جىل.