ۇيقىنى بۇزاتىن 10 سەبەپ

 استانا. قازاقپارات - تۇنگى ۇيقىنىڭ بۇزىلۋى تالاي ادامدى مازالاپ جۇرگەنى ءمالىم. سوندىقتان بۇگىن ءبىز سىزدەرگە ۇيقىسىزدىقتان قۇتىلۋدىڭ جولدارىن ۇسىنعالى وتىرمىز.

1. جارىق ساۋلە

 ەگەر جارىق ساۋلەدەن قورعانباعان مەكەمەدە ۇيىقتاماق بولساڭىز، وندا ءسىزدىڭ اعزاڭىز ۇيقىعا كەتە المايدى. ول كەزدە جاپقىشتاردى جاۋىپ، بىلتە شام پايدالانۋعا تۋرا كەلەدى. جاتار الدىندا كومپيۋتەر مونيتورىن قوسۋلى قالدىرماڭىز.

2. الكوگول

 اشى سۋدى ءجيى تۇتىناتىن ادامداردىڭ ۇيقى گورمونى بۇزىلادى. ەگەر الكوگولدى قويسا، ءبارى رەتتەلەدى.

3. كوفەين

 كوفە مەن شايدى كوبىنە تاڭەرتەڭ ىشكەن دۇرىس. تۇندە ىشكەن كوفە ءسىزدى ءتاتتى ۇيقىڭىزدان ايىرادى.

4. كۇندىزگى ۇيقى

تۇسكى اسقا تويىپ العاننان كەيىن بىرەر ساعات ۇيقىعا كەتەتىن ادامداردى ۇيقىسىزدىق مازالايدى. سوندىقتان بۇل اۋرۋعا تاپ بولماۋ ءۇشىن كۇندىزگى ۇيقىنى قىسقارتۋ كەرەك.

5. سپورت

 فيزيكالىق جاتتىعۋلارمەن ۋاقىتىمەن، مولشەرىمەن اينالىسقان ابزال. ال كەشكە قاراي جاتتىعۋ زالىنا بارىپ، جۇگىرۋدىڭ قاجەتى جوق. ول ءسىزدىڭ دەنساۋلىعىڭىزعا كەرى اسەرىن تيگىزۋى مۇمكىن.

6. ىستىق بولمە

 ەگەر تەرلەسەڭىز، ۇيىقتاۋ قيىنعا سوعادى. ول ءۇشىن جاتار الدىندا بولمەڭىزدى جەلدەتىپ الىپ، تەمپەراتۋراسىن قاداعالاڭىز.

7. تۇنگى ءومىر سالتى

 ەگەر كۇندە كەش جاتىپ، كەش تۇرساڭىز، وندا ءسىزدىڭ بيوريتمىڭىز بۇزىلادى. ال ول ءوزىڭىزدى سەرگەك ۇستاۋعا كەدەرگى كەلتىرەدى.

8. ايقاي- شۋ

وزگە جانداردىڭ ايقاي- شۋى ۇيقىسىزدىققا اكەلىپ سوقتىرادى. ابىر- دابىرى كوپ كورشىلەرگە نە ىستەۋ كەرەكتىگىن بىلەسىز.. .

9. عالامتورعا تاۋەلدىلىك

 الەۋمەتتىك جەلىلەردى اقتارا بەرۋ دە تىنىش ۇيقىڭىزدى بۇزادى. ءوزىڭىزدى ۇيالى تەلەفونسىز ۇيىقتاۋعا ۇيرەتىڭىز.

10. كەشكى اس

 كەشكى اسقا جەڭىل- جەلپى تاعامدار جاقسى ەكەنىن بىلەسىزدەر. سوندىقتان تاماققا تويىپ الىپ، ۇيقىعا كەتۋگە بولمايدى.

massaget.kz