قازاقستاننىڭ 10 وبلىسىندا تۇمان تۇسەدى

«اقمولا، جامبىل،  قىزىلوردا، ماڭعىستاۋ، باتىس قازاقستان، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان تۇسەدى. الماتى وبلىسىندا جالاڭاشكول كولى اۋماعىندا جەل سەكۋندىنا 22-27 مەترگە دەيىن كۇشەيەدى، كۇندىز جەل ەكپىنى سەكۋندىنا 30 مەتردەن اسادى»، - دەلىنگەن حابارلامادا.

سينوپتيكتەردىڭ بولجامىنا قاراعاندا، رەسپۋبليكانىڭ بارلىق اۋماعىنا بۇرىنعىسىنشا اۋقىمدى انتيتسيكلون ىقپال ەتەدى، سوعان بايلانىستى ەلىمىزدە اۋا رايى جاۋىن-شاشىنسىز بولادى.

ەسكە سالايىق، بۇعان دەيىن سينوپتيكتەر ناۋرىز ايىنىڭ سۋىق بولاتىنىن حابارلاعان ەدى. «قازگيدرومەتتىڭ» مالىمەتىنشە، سولتۇستىك-شىعىستان باسقا ءوڭىردىڭ بارلىعىندا كۇن اشىق بولادى. كوكتەمنىڭ العاشقى كۇندەرىندە سولتۇستىكتەگى تۇنگى اۋا تەمپەراتۋرا 8-18 گرادۋسقا، كۇندىز 5 گرادۋسقا دەيىن تومەندەيدى. ال وڭتۇستىكتە تۇنگى مەزگىلدە 2-12 گرادۋس سۋىق، كۇندىز 0-10 گرادۋس جىلى بولادى. سونداي-اق ماماندار ناۋرىزداعى مەرەكە كۇندەرى اۋا رايىنىڭ قانداي بولاتىنىن ايتتى.