07:48, 24 - اقپان 2015 | GMT +5
ميحاەل شۋماحەردى ەمدەۋگە 10 ميلليون ەۋرودان استام قارجى جۇمسالعان
استانا. قازاقپارات - ميحاەل شۋماحەردى ەمدەۋگە 10 ميلليون ەۋرودان استام قارجى جۇمسالعان. ءبىراق وسىعان قاراماستان، قازىر جۇرۋدەن قالعان اتاقتى سپورتشى سويلەي المايدى، دەپ حابارلادى www.24.kz.
سونداي-اق «فورمۋلا-1» جارىسىنىڭ جۇلدىزى اينالاسىنداعىلاردى تانىمايدى. ال ونى ەمدەپ جاتقان دارىگەرلەر «شۋماحەردىڭ جازىلۋى وتە باياۋ ءوتىپ جاتىر»، - دەپ مالىمدەدى.
Epochtimes.ru سايتىنىڭ حابارلاۋىنشا، قازىر ول وتباسىمەن بىرگە شۆەيتساريادا تۇرىپ جاتىر. سپورتشىنىڭ جاعدايىن 15 دارىگەردەن تۇراتىن مەديتسينالىق توپ تاۋلىك بويى قاداعالاۋدا.
شۋماحەر 2013 - جىلدىڭ جەلتوقسانىندا فرانسياداعى ءالپى تاۋلارىنىڭ شيپاجايىندا تاۋدان شاڭعىمەن سىرعاناپ ءجۇرىپ، باستان اۋىر جاراقات العان ەدى.
