12:17, 11 - قاڭتار 2015 | GMT +5
ەۋروپادا ۇشۋ ۋاقىتى نەبارى 10 مينۋتتىق اۋە رەيسى اشىلادى
استانا. قازاقپارات - اۆستريالىق FlyNiki اۋە كومپانياسى ۆەنادان براتيسلاۆاعا ۇشاتىن، ۋاقىتى نەبارى 10 مينۋتقا سوزىلاتىن اۋە رەيسىن اشادى، دەپ حابارلايدى lenta.ru.
بۇل باعىت بويىنشا العاشقى ساپار 2 - ساۋىرگە جوسپارلانىپ وتىر. رەيسكە بيلەتتەردى FlyNiki اۋە جۇگىن تاسىمالداۋشى كومپانياسىنىڭ سايتى ارقىلى 29 ەۆروعا الۋعا بولادى.
اۆستريا مەن سلوۆاكيا استانالارىنىڭ ارا قاشىقتىعى 80 شاقىرىم شاماسىندا.
ەسكە سالا كەتسەك، ەڭ قىسقا اۋە رەيسى ۇلى بريتانيانىڭ سولتۇستىگىندەگى ۆەسترەي مەن پاپا ۆەسترەي ارالدارى اراسىنداعى ۇشۋ ۋاقىتى نەبارى 47 سەكۋندقا سوزىلاتىن باعىت.
