جوعالىپ كەتكەن ۇشاق رەيسىنە 10 ادامنان تۇراتىن وتباسى كەشىگىپ قالدى
يندونەزيالىق سۋرابايدان سينگاپۋرگە ۇشىپ شىققان Air Asia كومپانياسىنىڭ Airbus A320-200 اۆيالاينەرى جەكسەنبى كۇنى ديسپەتچەر رادارىنان جوعالىپ كەتتى. سوڭعى رەت ۇشاق 03 ساعات 24 مينۋتتە (ماسكەۋ ۋاقىتىمەن) بايلانىسقا شىققان. اۋە كەمەسىنىڭ بورتىندا 155 جولاۋشى جانە ەكيپاجدىڭ جەتى مۇشەسى بولدى.
وتاعاسى اري پۋترو كانەحو Sydney Morning Herald گازەتىنە ول ەلەكتروندىق پوشتاسىن تەكسەرمەگەنىن، ال وعان Air Asia اۆياكومپانياسىنان ۇشۋ ۋاقىتى ەكى ساعاتقا ەرتە بەلگىلەنگەنىن ەسكەرتپەگەنىن ايتتى. دەگەنمەن وتباسى بىرنەشە مينۋت قانا كەشىگىپ اۋەجايعا جەتتى. ءبىراق تا ۇشاق كوتەرىلىپ كەتكەن، ولار كومپانيا قىزمەتكەرلەرىمەن سوزگە كەلىپ جاتپادى، باسقا ۇشاقپەن ۇشۋعا ۇيعاردى.
الايدا وعان سول ارادا كومپانيا وكىلى كەلىپ، ولاردى تاڭعالدىرعان جاڭالىقتى جەتكىزدى. «سىزدەرگە بۇل تاماشا روجدەستۆو تارتۋى بولدى. سىزدەر ۇشۋعا ءتيىس ۇشاق اپاتقا ۇشىرادى»، دەدى ول ءۇرپيىسىپ قالعان جولاۋشىلارعا.
