قازاقستان شايدى ەڭ كوپ ىشەتىن 10 ەلدىڭ قاتارىنا كىردى
ءبىر قىزىعى، بۇل وندىقتا قىتاي مەن ءۇندىستان جوق.
جالپى شايدى بۇكىل دۇنيەجۇزى جاقسى كورەدى، سەبەبى سۋسىندار ىشىندە شاي - سۋدان كەيىنگى ەكىنشى ورىندا. شاي ءىشۋدىڭ تاريحىنا ۇڭىلەتىن بولساق، ادامزات ونىڭ ءتۇرلى سۇرىپىن شىعارىپ، شاي دەمدەۋدىڭ ونداعان ءادىسىن ويلاپ تاپقان.
الەمدە شايدى ەڭ كوپ ىشەتىن ەل - تۇركيا. شايدى تۇتىنۋدىڭ بۇل ەلدەگى ورتاشا مولشەرى - حالىقتىڭ جان باسىنا شاققاندا 6,87 كەلىنى قۇرايدى.
تۇركيا شاي تۇتىنۋ جاعىنان ۇنەمى الدىڭعى ورىندا. سەبەبى بۇل ەلدىڭ ءوزىنىڭ شاي وندىرەتىن پلانتاسيالارى بار، سوندىقتان ارزان شايدىڭ ورنىن بۇل ەلدە قىمبات كوفە جىلدام باستى. تۇركيادا شايدى فارفور ىدىسپەن ىشپەيدى، ولاردىڭ شاي ىشۋگە ارنالعان ەرەكشە ءپىشىندى شىنى ستاقاندارى بار. ول ستاقاننان ىشىلگەن شايدىڭ تەك ءدامى عانا ەمەس ءيىسى مەن ءتۇسى دە ەرەكشە شىعادى.
تۇركيادان كەيىنگى ەكىنشى ورىندا ماروككو تۇر. بۇل ەلدەگى شايدى تۇتىنۋدىڭ ورتاشا كورسەتكىشى - حالىقتىڭ جان باسىنا شاققاندا 4,34 كەلى.
ءۇشىنشى ورىندا - يرلانديا. مۇنداعى ورتاشا كورسەتكىش - 3,22 كەلى شاي.
ءتورتىنشى ورىن ماۆريتانيادا. مۇنداعى كورسەتكىش تە - 3,22 كەلى.
بەسىنشى ورىندا - ۇلىبريتانيا. بۇل ەلدەگى شايدى تۇتىنۋدىڭ ورتاشا كورسەتكىشى - حالىقتىڭ جان باسىنا شاققاندا 2,74 كەلى.
التىنشى ورىندا - سەيشەل ارالدارى تۇر. مۇنداعى ورتاشا كورسەتكىش - 2,08 كەلى.
جەتىنشى ورىندا - بىرىككەن اراب امىرلىكتەرى. مۇنداعى ورتاشا كورسەتكىش - جان باسىنا شاققاندا 1,89 كەلى شايدان كەلەدى.
سەگىزىنشى ورىن كۋۆەيتتە. مۇنداعى شايدىڭ جان باسىنا شاققانداعى مولشەرى 1,61 كەلىنى قۇرايدى.
ال توعىزىنشى ورىندا - كاتار. مۇنداعى كورسەتكىش - 1,60 كەلى شاي.
قازاقستان الەمدەگى ەڭ كوپ شاي ىشەتىن ون ەلدىڭ قاتارىنداعى ونىنشى ورىندا تۇر. شايدى تۇتىنۋدىڭ ورتاشا مولشەرى - حالىقتىڭ جان باسىنا شاققاندا 1,54 كەلى.
الەمدە شايدى ەڭ كوپ ىشەتىن ەلدەر جايىندا تولىعىراق مىنا جەردەن وقي الاسىزدار.
tengrinews.kz
