رەسپۋبليكالىق «جىر دودا» جاستار ايتىسىنىڭ اقتىق سىنىندا باق سىنايتىن 10 اقىننىڭ ەسىمى انىقتالدى

استانا. قازاقپارات - 22- جەلتوقسان كۇنى الماتىدا «جىر دودا» رەسپۋبليكالىق جاستار ايتىسىنىڭ اقتىق سىنى وتەدى، دەپ حابارلايدى ءدۇبىرلى جىر دوداسىن ۇيىمداستىرۋشىلار.

ايتىسقا جاستاردىڭ اراسىندا سوڭعى جىلدارى ۇزدىك دەپ تانىلعان 10 اقىن قاتىسادى. اتاپ ايتقاندا، وندا 2013-جىلعى حالىقارالىق، ستۋدەنتتەر ايتىستارىنىڭ جەڭىمپازى امانگەلدى سەيتحان (الماتى، ءال-فارابي اتىنداعى قازاق ۇلتتىق ۋنيۆەرسيتەتى)، رەسپۋبليكالىق «نۇر وتان» پارتياسىنىڭ قولداۋىمەن وتكىزىلىپ جۇرگەن ايتىستاردىڭ جەڭىمپازى، حالىقارالىق، ستۋدەنتتەر ايتىستارىنىڭ جۇلدەگەرى قانات مىرزاحان ۇلى (الماتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى)، «جاستار جىرلايدى» تەليەۆيزيالىق ايتىسىنىڭ باس جانە رەسپۋبليكالىق جاستار ايتىسىنىڭ جۇلدەگەرى التىنبەك يبراگيموۆ (سۇلەيمان دەميرەل اتىنداعى حالىقارالىق قازاق-تۇرىك ۋنيۆەرسيتەتى) پەن ستۋدەنتتەر ايتىسىنىڭ جۇلدەگەرى ايتبەك تۇرسىنبايەۆ (الماتى، ءال-فارابي اتىنداعى قازاق ۇلتتىق ۋنيۆەرسيتەتى) كوپشىلىك الدىنا شىقپاق.

سونداي-اق 2014-جىلعى ەڭ ۇزدىك 22 اقىننىڭ قاتارىندا «التىن دومبىرا» ايتىسىنا قاتىسۋشى، رەسپۋبليكالىق ايتىستاردا جۇلدەگەر اتانعان تارازدىق اسەت دۇيسەباي، تاراز گۋمانيتارلىق ۋنيۆەرسيتەتىنەن وبلىستىق، رەسپۋبليكالىق جاستار ايتىسىندا جۇلدەلەر يەلەنىپ جۇرگەن دارحان ءابدىمانات پەن تاراز قالاسىنىڭ نامىسىن قولدان بەرمەي جۇرگەن اقىن راي دونبايەۆ دا وسى جىر سايىسىندا ءوز باقتارىن سىناماق. ستۋدەنتتەر ايتىستارىنىڭ، استانا كۇنىنە وراي وتكىزىلگەن ايتىستىڭ جۇلدەگەرى بيبىگۇل تىلەۋبولدينا (سۇلەيمان دەميرەل اتىنداعى ۋنيۆەرسيتەت) مەن استانالىق اقىن سىرىم الىبەكوۆ (ە. گۋميليەۆ اتىنداعى ەۋرازيا ۇلتتىق ۋنيۆەرسيتەتى) جانە وبلىستىق، رەسپۋبليكالىق ءداستۇرلى جىل سايىن وتەتىن ايتىستاردىڭ تۇراقتى قاتىسۋشى، جەڭىمپازى قىزىلوردالىق سەرىكحان جۇزەي دە جىر جارىسىنان تىس قالماي، جۇرتشىلىق الدىندا ءوز ونەرلەرىن ورتاعا سالماق.

ايتىس 22- جەلتوقسان كۇنى ساعات 15:00 دە جازۋشىلار وداعىنىڭ ۇيىندە وتەدى.