س ق و- دا 10 كۇن بۇرىن جوعالىپ كەتكەن ايەل اقمولا وبلىسىنان تابىلدى
بۇل تۋرالى وبلىستىق ءى ءى د باسپا ءسوز قىزمەتىنەن حابارلادى.
«9 - قاراشا كۇنى كەزەكشىلىك بولىمگە 58 جاستاعى ايەل كەلىپ قىزىنىڭ جوعالىپ كەتكەندىگى تۋرالى حابارلادى. ول ەكى كۇن بۇرىن جۇمىسقا كەتكەن كۇيى قايتىپ ورالماعان. ايەل قىزىن 2 جاسار بالانىڭ اناسى ەكەنىن، جاۋاپتى ادام ەكەنىن ايتتى. ءىستىڭ ءمان-جايىن انىقتاۋ كەزىندە پوليتسيا قىزمەتكەرلەرى جوعالعان ايەلدىڭ جۇمىستا ءجيى ىشىمدىك ىشەتىنىن انىقتادى. جۇمىستان شىققان ول تانىسىنىنىڭ ۇيىنە قوناققا بارعان. سول جاقتان ول تايىنشا اۋدانىنىڭ زارەچنوە اۋىلىنا، 5 كۇن وتكەن سوڭ الەۋمەتتىك جەلى ارقىلى تانىسقان ەر اداممەن كەزدەسۋگە كەتىپ قالعان»، - دەپ جازىلعان حابارلامادا.
اقمولا وبلىسىنىڭ ستەپنوگورسك قالاسىنا بارعاندا ايەلدىڭ اقشاسى تاۋسىلىپ قالعان. سول كەزدە ول جەرگىلىكتى مەشىتتەگى يمامعا بارىپ، ءوزىنىڭ قيىن جاعدايعا ءتۇسىپ قالعاندىعىن ايتادى. الايدا يمام بۇعان دەيىن ايەلدىڭ جوعالعاندىعىن ايتىپ بارلىق جەرگە حابارلاما تاراتقان پەتروپاۆل قالاسىنىڭ ءى ءى ب قىزمەتكەرلەرىنە حابارلاسادى. ناتيجەسىندە جوعالىپ كەتكەن ايەل 10 كۇن وتكەن سوڭ بارىپ ۇيىنە قايتىپ كەلگەن.
