اناسىن ۇرىپ-سوققانى ءۇشىن 10 تاۋلىككە قاماۋعا الىندى
استانا. قازاقپارات - اقمولا وبلىسى شورتاندى اۋداندىق سوتىندا اناسىن ۇرىپ-سوققان تۇرعىنعا قاتىستى اكىمشىلىك ءىس قارالدى، دەپ حابارلادى اقمولا وبلىستىق سوتىنىڭ باسپا ءسوز قىزمەتىنەن.
ۇيىندە اناسىمەن جانجالداسىپ، ۇرىپ-سوققانى ءۇشىن شورتاندى اۋدانىنىڭ تۇرعىنى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 79-1- بابى بويىنشا، ايىپتى دەپ تانىلدى.
سوت وتىرىسىندا اناسىن ۇرعانىن مويىندادى.
سوت قاۋلىسىمەن ول وسى جاساعان قۇقىق بۇزۋشىلىعى ءۇشىن كىنالى دەپ تانىلىپ، 10 تاۋلىك مەرزىمىنە اكىمشىلىك قاماۋعا الىندى.
