ەسىرتكى ساتىپ بايىعىسى كەلگەن ازامات 10 جىلعا باس بوستاندىعىنان ايىرىلدى
وقيعا بىلاي بولعان. قىزىلوردا وبلىسىنىڭ اۋماعىندا ورنالاسقان ءبىر اۋىلدىڭ تۇرعىنى ەسىرتكى زاتىن تاۋىپ الىپ، ونى ۇيىنە اكەلىپ، تاۋىق كەپەسىنە تىعىپ قويعان. سودان كەيىن، ساتىپ الۋشىلاردى ىزدەپ، ءبىر-ەكى ادامعا ايتقان.
ءبىر كۇنى ۇيىنە ەسىرتكى الماق بولىپ ەكى جىگىت كەلگەن. سوتتالۋشى ولاردى تاۋىق كەپەسىنە كىرگىزىپ، كەپتىرىلگەن ماريحۋانانىڭ 1 ستاكانىن 5000 تەڭگەگە ساتۋعا كەلىسىپ، 40 ستاكاندى ولشەپ، پاكەتكە سالىپ بەرەدى. ودان كەيىن جىگىتتەر كەلگەن ماشينانىڭ قاسىنا بارىپ، ولاردان 200000 تەڭگە العان. سول ساتتە كولىكتە وتىرعان ەكى جىگىت ونى ۇستاپ، وزدەرىن پوليتسيا قىزمەتكەرلەرى ەكەندىگىن ايتقان. ساتىلعان 40 ستاكان ەسىرتكى زاتىنان باسقا، ءتىنتۋ كەزىندە، تاۋىق كەپەدە تاعى دا 4208 گرام كەپتىرىلگەن ماريحۋانا تابىلدى.
قىزىلوردا وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن ول ق ر ق ك-ءنىڭ 259-بابىنىڭ 3-بولىگىنىڭ «ۆ» تارماعىمەن كىنالى دەپ تانىلىپ، مۇلكى تاركىلەنىپ، ون جىلعا باس بوستاندىعىنان ايىرىلدى.
ۇكىم زاڭدى كۇشىنە ەنگەن جوق.
اۆتور: ەلۋباي اۋەزوۆ
