17:26, 19 - شىلدە 2014 | GMT +5
قازاقستاندىق عالىم وزگە باتارەيالاردان 10 ەسە قۋاتتى اككۋمۋلياتوردى شىعاردى
استانا. قازاقپارات - نازاربايەۆ ۋنيۆەرسيتەتىندە جۇماباي باكەنوۆتىڭ جەتەكشىلىگىمەن ءبىر توپ عالىمدار قولدانىستاعى اككۋمۋلياتورلىق باتارەيادان 10 ەسە ۇزاق جۇمىس ىستەيتىن باتارەيانى ازىرلەدى.
بۇل جاڭالىق بۇگىن ءبىلىم ورداسى جانىنداعى تەحنوپاركتىڭ اشىلۋى راسىمىندە ق ر ءبىلىم جانە عىلىم ءمينيسترى اسلان سارىنجىپوۆكە تانىستىرىلدى.
ا. ءسارىنجىپوۆ وسىنداي باتارەيانى «iPhone» ءۇشىن جانە وزگە سمارتفوندارعا ازىرلەۋ مۇمكىندىگى جايىندا سۇرادى.
ونەرتاپقىش ج. باكەنوۆ ازىرگە ونى دايىنداۋعا ءتيىستى قۇرالدار جوق ەكەنىن جەتكىزدى. سونىمەن قاتار، ول عىلىمي توپ دايارلاعان اككۋمۋلياتوردى اۆتوكولىكتەرگە بەيىمدەپ جاساۋعا نيەتتى ەكەنىن اتاپ ءوتتى.
ايتا كەتەيىك، ج. باكەنوۆ ون جىلعا جۋىق ۋاقىت بويى جاپونيا مەن كانادادا ءومىر ءسۇرىپ، عىلىمي جۇمىستارمەن اينالىسقان. قازاقستانعا 2011 - جىلى ورالدى.
اۆتور: رۋسلان عابباسوۆ
