08:19, 08 - شىلدە 2014 | GMT +5
مۋزەيدەن ۇرلانعان اتاقتى كارتينانى 10 جىلدان سوڭ ا ق ش بيلىگى قايتاردى
استانا. قازاقپارات - كاراكاستىڭ قازىرگى زامانعى ونەر مۋزەيىنەن ۇرلانعان انري ماتيسسانىڭ «قىزىل شالبارلى قىزمەتشى ايەل» كارتيناسى كاراكاس بيلىگىنە قايتارىلدى.

بۇل تۋرالى ەلدىڭ مادەنيەت ءمينيسترى فيدەل بارباريتو ءمالىم ەتتى.
ونىڭ ايتۋىنشا، ساراپشىلار قورىتىندىسىنان كەيىن سۋرەت استانالىق مۋزەيگە قويىلاتىن بولادى.
بۇل شىعارمانى كاراكاس مۇراجايى 1981 - جىلى نيۋ-يوركتىڭ گالارەيالارىنىڭ بىرىنەن العان. ماتيسسا سالعان تۋىندى ءۇشىن 1925 - جىلى 480 مىڭ دوللار تولەنگەن. ال قازىرگى باعاسى 10-12 ميلليون دوللار شاماسىندا.
الدىن الا بولجام بويىنشا، تۋىندى 2002 - جىلى ۇرلانعان بولۋى كەرەك. تەك ءۇش جىلدان سوڭ عانا ءتۇپنۇسقانىڭ ورنىندا كوشىرمەسى قويىلعاندىعى انىقتالعان.
ۆەنەسۋەلالىق ونەرقۇمار ازاماتتىڭ اتاقتى شىعارمانىڭ ماياميدە «قارا» بازاردا ساتىلعاندىعى جونىندەگى حابارىنان سوڭ بيلىك ىزدەۋدى باستاعان. 2012 - جىلى كارتينا فلوريدا شتاتىندا كونترابانداشىلاردان الىندى.