قىتايلىق كومپانيالار سولتۇستىك قازاقستان وبلىسىنا 10 بالاباقشا مەن جول سالىپ بەرمەك

پەتروپاۆل. قازاقپارات - سولتۇستىك قازاقستان وبلىسىندا ق ر- داعى ق ح ر- دىڭ شانشي ولكەسى ۇكىمەتى وكىلدىگىنىڭ باسشىسى حە چەنمەن ءبىرقاتار مەموراندۋمدارعا قول قويىلدى. بۇل كەزدەسۋ ءوڭىر باسشىسى ەرىك سۇلتانوۆتىڭ قاتىسۋىمەن ءوتتى.
None
None

اتاپ ايتقاندا، پەتروپاۆل اكىمدىگى مەن قىتايلىق «Сhina Railway First Group CO., LTD» تەمىر جول كورپوراتسياسى اراسىندا ىنتىماقتاستىق تۋرالى مەموراندۋم بەكىتىلدى. س ق و- نىڭ وبلىس ورتالىعىندا ق ح ر وكىلدەرى 10 بالاباقشانىڭ قۇرىلىسىن جۇزەگە اسىرماق. ءبىرىنشى كەزەكتە 320 ورىنعا ەسەپتەلگەن بالاباقشانىڭ قۇرىلىسى باستالادى.

مۇنىمەن قوسا، قىتاي وكىلدەرى مەن «قاز اۆتو جولدىڭ» س ق و وڭىرىندەگى فيليالى اراسىندا دا ىنتىماقتاستىق جونىندەگى مەموراندۋم بەكىتىلدى. وسى ورايدا مەملەكەتتىك- جەكەمەنشىك سەرىكتەستىك اياسىندا پەتروپاۆلدان ر ف شەكاراسىنا دەيىنگى اراقاشىقتاعى 68 شاقىرىمعا سوزىلعان جولدىڭ قۇرىلىسىن ىسكە اسىرۋ جوسپارلانىپ وتىر.

 «مەملەكەتتىك- جەكەمەنشىك سەرىكتەستىك نەگىزىندە پەتروپاۆلدان قورعان باعىتىندا ر ف شەكاراسىنا دەيىن جول سالىنادى. مەملەكەتتىك- جەكەمەنشىك سەرىكتەستىك جاعدايىندا قىتايلىق تاراپ جولدىڭ قۇرىلىسىنا ينۆەستيتسيا سالادى. ولار جولدىڭ قۇرىلىسىن جۇرگىزەدى. كەيىننەن بۇل جولدى جۇك كولىكتەرى ءۇشىن اقىلى ەتۋ كوزدەلىپ وتىر. وسىنىڭ ەسەبىنەن ولار تابىستىڭ ءتيىستى بولىگىن الادى. سونىمەن بىرگە مەملەكەتتىك- جەكەمەنشىك سەرىكتەستىك اياسىندا سالىنعان ينۆەستيتسيانى 30 جىل مەرزىمدە وتەپ تاستاۋ جوسپارلانعان. قۇرىلىس جۇمىستارى 2015-2016 - جىلدارعا ەسەپتەلگەن. جوبا قۇنى 120 ميلليون دوللارعا تەڭ» ، - دەيدى س ق و جولاۋشىلار كولىگى جانە اۆتوموبيلدەر جولدارى باسقارماسى باسشىسىنىڭ ورىنباسارى سەرىك مۇحامەدييەۆ.

ءوز كەزەگىندە ق ر- داعى ق ح ر- دىڭ شانشي ولكەسى ۇكىمەتى وكىلدىگىنىڭ باسشىسى حە چەن بالاباقشالار مەن جولدىڭ قۇرىلىسى ەكى ەلدىڭ اراسىنداعى ىنتىماقتاستىقتى دامىتۋدا ماڭىزدى ءرول وينايتىندىعىن اتاپ ءوتتى. بالاباقشالار جەڭىلدىكتى نەسيەلەندىرۋ اياسىندا، ال جول مەملەكەتتىك- جەكەمەنشىك سەرىكتەستىك باعىتاندا سالىنادى. بۇعان قوسا ول پەتروپاۆلدا تۇرعىن ءۇيدىڭ قۇرىلىسىن جۇرگىزۋدى جوسپارلاپ وتىرعاندىقتارىن جەتكىزدى.

اۆتور: رۋسلان عابباسوۆ

سوڭعى جاڭالىقتار