ورازا ۇستاۋشىعا ارنالعان 10 كەڭەس
سول سەبەپتى ورازا ۇستاسام دەپ نيەتتەنىپ جۇرگەن اعايىننىڭ ءبىر پايداسىنا جارايدى دەگەن ويمەن قايتا ۇسىنىپ وتىرمىز.
پايعامبارىمىز مۇحاممەد مۇستافا (وعان اللانىڭ يگىلىگى مەن سالەمى بولسىن) ءوزىنىڭ حاديس- شارىپىندە «بۇل دۇنيەدە بەل سۋىتپاقشى بولىپ ءبىر اعاشتىڭ كولەڭكەسىنە تىزە بۇككەن جولاۋشىداي ءومىر ءسۇر» دەپ ءبىزدىڭ مىنا ءومىرىمىزدىڭ جالعان ەكەنىن ايشىقتاپ كەتكەن بولاتىن. ءدال سول سوزدەردى ءوز باسىم ورازادان ورازاعا جەتكەن سايىن انىق سەزىنەمىن. بيىل سىزدەرگە http://www.productiveramadan.com اتتى وتە تاماشا سايتتان العان ورازا ايىنداعى ءادىس- تاسىلدەرمەن بولىسپەكىشىمىن.
شىنايى ىقىلاستى بول. ورازا ايىن ءساتتى دە ءونىمدى وتكىزۋ ءۇشىن وتە كوپ دۇعا جاسا.
رامازاننىڭ ءار كۇنىن ءار كۇنىڭدە جوسپارلاپ وتىر. ەرتەڭگى كۇننىڭ جوسپارىن الدىڭعى كۇننىڭ كەشىنەن باستا. كەلەسى كۇنى ءبىتىرۋىڭ ءتيىس 3 ءىستى قويىن داپتەرىڭە، ۇيالى تەلەفونىڭا نە باسقا دا ءوزىڭ ۇمىتپايتىن جەرگە جازىپ قوي دا سونى بىتىرۋگە تىرىس.
ەشقاشان سارەسىن وتكىزىپ الما، نە ۇيىقتاپ قالما. تاڭ نامازىنا ءبىر ساعات قالعاندا تۇرىپ ال دا جەتكىلىكتى دەڭگەيدە اۋقاتتانىپ ال.
تاڭ نامازىن وقىپ بولعان بويدا ماڭىزدى جۇمىستارىڭا كىرىسىپ، 1 نە 2 شارۋاڭدى ءبىتىرىپ ۇلگەر.
ەڭ ماڭىزدى كەڭەس! ءتۇس قايتا نە بەسىنگە دەيىن، نە بەسىننەن كەيىن، از دا ەمەس، كوپ تە ەمەس ءدال 20 مينۋت كوز شىرىمىن ال.
ورازا كۇندەرىڭدى (جانە ءومىرىڭدى) ناماز ۋاقىتتانىنا سايكەستەندىرىپ جوسپارلا، باسقا شارۋالارىڭا ەمەس.
ءار كۇنىڭە ءبىر ساعاتتى قۇران وقۋعا ءبول جانە بەكىت!
اۋزىڭدى قۇرما جانە ءسۇت نەمەسە سۋمەن اش. سوسىن اقشام نامازىڭدى وقىپ ال دا قۇپتانعا دەيىن جەڭىل- جەلپى تاماقتانىپ ال.
وتە كوپ «دەنە ساداقاسىن» بەر. كوپشىلىكتىڭ اۋزىن اشۋ شارالارىنا قاتىس، وزگەلەردى ءۇيدى- ۇيىنە جەتكىزىپ سالۋعا ۇلەس قوس، جەتىمدەرگە جاردەمدەس جانە ت. س. س. وزگەلەرگە كومەك كورسەتۋ سەكىلدى ساۋاپتى ىستەردەن قۇر قالما.
وزگەلەرگە ناسيحات ايتۋدى ۇمىتىپ كەتپە. ەگەر سەنەن بىرەۋ نەلىكتەن تاماق ىشپەي جۇرگەنىڭدى سۇراسا يسلام جانە رامازان ايى تۋرالى ۇعىنىقتى دا ادەمى تۇسىنىك بەرە ءبىل.
اللاھ تاعالا بارشامىزدىڭ ۇستاعان ورازامىزدى قابىل ەتىپ، امالدارىمىزدى ساۋاپتان جازسىن! ءامين!
تيمۋر بەكتۇر
«نامىس»
