قازاقستان 10 مەملەكەتپەن ۆيزاسىز رەجيم ورناتپاق

بۋراباي. قازاقپارات - قازاقستان ءبىرجاقتى تارتىپپەن 10 مەملەكەت ازاماتتارى ءۇشىن ۆيزاسىز رەجىم ورناتادى.

بۇگىن ق ر پرەزيدەنتى جانىنداعى شەتەل ينۆەستورلارى كەڭەسىنىڭ 27-جالپى وتىرىسى بارىسىندا ەلباسى نۇرسۇلتان نازاربايەۆ وسىلاي دەدى.

«بيزنەس بايلانىستاردى، كاسىپكەرلەردىڭ حالىقارالىق كووپەراتسياسىن كەڭەيتۋ ءۇشىن ۆيزالىق توسقاۋىلداردى جويۋ قاجەت. بۇگىندە ءبىز قازاقستاندا بارىنشا جوعارى ينۆەستيسيالىق بەلسەندىلىك كورسەتكەن 10 مەملەكەتتىڭ ازاماتتارى ءۇشىن ۆيزاسىز رەجىمدى ءبىرجاقتى بەكىتۋ تۋراسىندا جاريا ەتەمىز»، - دەدى ن. نازاربايەۆ.

قازاقستان كوشباسشىسىنىڭ اتاپ وتۋىنشە، بۇل تىزىمدە، ا ق ش، نيدەرلاندى، ۇلى بريتانيا، فرانسيا، گەرمانيا، يتاليا، مالايزيا، بىرىككەن اراب امىرلىگى، كورەيا رەسپۋبليكاسى جانە جاپونيا بار.

اۆتور: مارلان جيەمباي