يتاليانىڭ 10 اسەم قالاسى - فوتو
كونە زاماننان بەرى ەجەلگى ءسان ۇلگىلەرى، ونەر جانە مادەنيەت ۇيلەرى جاقسى ساقتالىپ قالدى. وسىعان وراي سىزدەردى تاريحي جادىگەرلەر مەن عيماراتتارعا وتە باي يتاليا قالالارىمەن تانىستىرامىز.
1. ۆەرونا
اعىلشىن دراماتۋرگى شەكسپيردىڭ اتاقتى تراگەديالىق پەساسى «رومەو مەن دجۋلەتتانىڭ» وقيعاسى وسى قالادا وتكەندىكتەن عاشىق جۇپتار ءۇشىن ۆەرونا وتە تانىمال قالا. سوندىقتان رومانتيكانى سۇيەتىن عاشىقتار ءۇشىن تاپتىرماس مەكەن دەۋگە بولادى. تاريحي جادىگەرلەردەن كونە ريمدىك ارەنا، وراتاعاسىرلىق عيماراتتار، كولەمدى الاڭدار مەن ەسكى شىركەۋلەردى كورە الاسىزدار.
2. ۆەنەتسيا
بۇل قالا وزەن تارماعىنىڭ بويىندا ورنالاسقان. ترانسپورت كولىگى رەتىندە جەرگىلىكتى تۇرعىندار قايىقتى پايدالانادى. قالا ءتۇن ۋاقىتىندا ءتۇرلى- ءتۇستى تۇسكە ەنىپ، بار سۇلۋ كەلبەتىن تۋريستەرگە ايقارا اشادى.
3. بولونيا
بولونيا قالاسى ءبىلىم بەرۋ ورتالىعى رەتىندە بەلگىلى. سەبەبى الەمدەگى تۇڭعىش بولىپ ەسەپتەلىنەتىن العاشقى ۋنيۆەرسيتەتتىڭ قابىرعاسى وسىندا سالىنعان. يتاليا تاعامىنىڭ سان- الۋان اس تۇرلەرىنەن اۋىز ءتيىپ قانا قويماي، ونى ءوز قولىڭىزبەن دايىنداۋ قۇرمەتىنە دە يە بولا الاسىز..
4. ريم
ريم - يتاليا ەلىنىڭ استاناسى. قالا مىڭداعان ارحەولوگيالىق ەسكەرتكىشتەرگە، عيباداتحانالارعا، قيراعان ۇيىندىلەرگە تولى. تاريحي وردانى تولىعىمەن تاماشالاۋ ءۇشىن بىرنەشە اي كولەمىندە ۋاقىتىڭىز كەتەدى. ايگىلى ەسكەرتكىشتەردەن باسقا قۇپيالى قىزىقتى جەرلەر وتە كوپ.
5. نەاپول
نەاپول ۇيلەسىمدى ارحيتەكتۋراسىمەن تانىمال ەۋروپانىڭ ەڭ ءبىر تارتىمدى قالاسى. مۇندا يتاليانىڭ ەڭ ءدامدى مەيرامحانالارى ورنالاسقان. قالانىڭ تومەنگى بولىگىندە جەرلەۋ مازارلارى مەن اسكەري كاتاكومبالار بار.
6. فلورەنتسيا
لەوناردو دا ۆينچي، ميكەلاندجەلو، رافاەل، تيتسيان، كاراۆادجو سەكىلدى دانالار شابىت العان فلورەنتسيا قالاسى ونەر سوزىمەن قاتار جۇرەدى. ولاردىڭ تۋىندىلارىن قالا مۇراجايىنان ەركىن تاماشالاي الاسىز. ارحيتەكتۋرانىڭ ەسكىلىگى قايتا ورلەۋ ءداۋىرىن ەسكە تۇسىرەدى.
7. لەچچە
بۇل قالا يتاليانىڭ باسقا قالالارىنا مۇلدەم ۇقسامايدى. قالانىڭ بارلىق دەرلىك نىساندارى باروككو ستيلىندە سالىنعان. سىزدەرگە XVI عاسىرداعى كونگرەسس سارايى مەن يۋپيتەر امفيتەاترىنا بارۋعا كەڭەس بەرەمىز.
8. لۋككا
لۋككا قالاسى ءوزىنىڭ جەرگە توسەلگەن تاستارىمەن، الىپ سارايلارى جانە شىركەۋلەرىمەن ادامدى باۋراپ الادى. رەنەسسانس داۋىرىندە تۇرعىزىلعان قورعانىس قامالدارى كەرەمەت كۇيدە ساقتالعان. اتاعى جەر جارعان كومپوزيتور دجاكومو پۋچچينيدىڭ وتانى تاپ وسى قالا.
9. پيزا
ءار كەلۋشى مۇندا مىندەتتى تۇردە پيزا مۇناراسىنىڭ الدىندا سۋرەتكە ءتۇسىپ، ەستەلىككە الىپ كەتەدى. دەگەنمەن، مۇندا ءسىزدى قىزىقتىراتىن ودان باسقا دا تاريحي جانە مادەني ورتالىقتار كوپتەپ تابىلادى.
10. پەرۋدجا
پەرۋدجا - ەترۋستار وركەنيەتىنىڭ شىن مانىندە بولعانىن ايقىندايتىن بىردەن- ءبىر قالا. مۇندا ەترۋستاردىڭ كونە قورىمدارى مەن ۋمبريانىڭ ۇلتتىق ارحەولوگيالىق مۇراجايى ورىن تەپكەن. مۇراجايدان ءوزىڭىزدى قىزىقتىراتىن كونە جادىگەرلەردى تابا الاسىز.
دايىنداعان: نۇربول نۇرماحان ۇلى
massaget
