08:05, 03 - ماۋسىم 2014 | GMT +5
برازيليالىق ازامات ازيالىققا اينالۋ ءۇشىن 10 وپەراتسيانى باستان كەشىرگەن
الماتى. قازاقپارات - وڭتۇستىك كورەيانىڭ مادەنيەتى دەسە ىشكەن اسىن جەرگە قوياتىن جىگىت ءوزىنىڭ برازيليالىق تەگىنەن باس تارتىپ ازيالىققا اينالدى.
بۇل ءۇشىن قۇنى 3 مىڭ دوللار بولاتىن 10 وپەراتسيانى باستان كەشىرگەن، دەيدى Mail Online.
وڭتۇستىك كورەياداعى Dongseo ۋنيۆەرسيتەتىندە ءبىر جىل وقىعان ول جەرگىلىكتى ەلدىڭ مادەنيەتى مەن مۋزىكالىق جانرىن قۇلاي ۇناتقان. شەكسىز ماحاببات ءتىپتى ونى ءوز ۇلتىن وزگەرتۋگە دەيىن اپارعان.
قازىر ماكس - كوزى قىسىق، قارا شاشتى شيان ەسىمدى ازيالىق ازامات. ونىڭ ۇلتتىق تامىرىن تەك مۇرنى عانا ايقىنداپ تۇر.
«مەن بەتىمدە تىرتىق قالىپ، پىشاققا تۇسكەنىم ءبىلىنىپ قالا ما دەپ قورىقتىم. ءبىراق، مەنىڭ كەلبەتىم كەرەمەت. ءار ادامعا ءومىر ءبىر- اق رەت بەرىلەدى. سوندىقتان، كىم قالاي ءومىر سۇرەدى، ءوزى بىلەدى» ، - دەدى ول جەرگىلىكتى باسىلىمعا بەرگەن سۇحباتىندا.
اۆتور: گۇلميرا عوسمانالي
