قىتايلىق ايەل 10 جىل بويى دەنەسىندەگى ينەلەرمەن ءومىر سۇرگەن
وسىنشا ۋاقىت بويى ول دەنەسىنىڭ اۋىراتىنىنا شاعىمدانعان، ءبىراق ونىڭ نەلىكتەن ەكەنىن تۇسىنبەي كەلدى.
ايەل ادام رەنتگەننىڭ ارقاسىندا ونىڭ ءتۇرلى ورگاندارىندا قاراپايىم ءىس تىگەتىن ينەلەردىڭ بار ەكەنىن ەندى عانا ءبىلدى. دارىگەرلەر ولاردى وكپە، باۋىر مەن اياقتاعى بۋىنداردان جانە بىرنەشە ىشكى ورگانداردان انىقتاعان.
سونىمەن بىرگە، ولار بىرنەشە ينەنىڭ ايەلدىڭ جۇرەگىنەن نەبارى ءۇش سانتيمەتر الىستا ورنالاسقانىن انىقتادى، دەپ حابارلادى TCN.
مەديتسينا قىزمەتكەرلەرى ينەلەردىڭ كوبىن الىپ شىعۋ وپ-وڭاي دەيدى. الايدا جۇرەك تۇسى، سونىمەن بىرگە، بۇيرەك پەن وكپە ماڭىنداعى ينەلەردى الىپ تاستاۋ ءۇشىن كۇردەلى وتالار جاساۋ كەرەك دەپ وتىر. ينەلەردى جويۋدى قىتايلىق دارىگەرلەر 28 مىڭ دوللارعا باعالاپ وتىر.
ناۋقاس اۋىلدا تۇرادى، فەرماداعى مالدى باعادى. سوندىقتان دا ونىڭ مۇنداي اقشاسى جوق. الايدا ول وتاعا قاجەتتى سومانى جيناۋدان ءۇمىتتى.
«بۇرىنعى كۇيەۋىم مەنى ءجيى ۇراتىن. 2002 - جىلى مەن ودان كەتىپ قالىپ، اتا-اناممەن تۇرا باستادىم. اكە-شەشەم ۇيدە بولماعان كۇنى ونىڭ كەلىپ مەنى قاتتى ۇرعانى سونشالىق، مەن ەسىمنەن تانىپ قالدىم. اتا-انام ۇيگە قايتىپ كەلگەندە بۇرىنعى كۇيەۋىم قاشىپ كەتكەن. ال مەنىڭ جانىمنان ولار ءبىر ۋىس ينە تاپقان. ينەلەردىڭ مەنىڭ دەنەمە سۇققان سول بولۋى كەرەك»، - دەپ كۇدىكتەنەدى ناۋقاس.
