ءبىلىمنىڭ بايلىقتان 10 ارتىقشىلىعى

استانا. قازاقپارات - مۇسىلمانداردىڭ العاشقى ءتورت حاليفاسىنىڭ ءبىرى ءالي يبن ءابۋ ءتالىپ اسا ءبىلىمدار ادام بولىپتى.

ءبىلىمىنىڭ ارقاسىندا ەل ول كىسىنى «ءىلىمنىڭ قاقپاسى» دەپ اتاعان.

بىردە زامانداستارى وعان 10 ادامدى كەزەكپەن جىبەرىپ، بارىنە بىردەي: «ءبىلىم ارتىق پا، بايلىق ارتىق پا؟» دەگەن سۇراقتى قويدىرعان ەكەن.

سوندا حازىرەتى ءالي ءاربىر سۇراققا ءارتۇرلى دايەكتەمەلەرمەن بىلاي دەپ جاۋاپ بەرگەن:

1. ءبىلىم ارتىق، ويتكەنى، ول - پايعامبارلاردان قالعان ميراس، بايلىق - باقىلداردان قالعان مۇرا.

2. ءبىلىم ارتىق، ءبىلىمدىنىڭ جانىندا ادال دوستار كوپ بولادى، ال باي ادامنىڭ قاسىندا امال دوستار كوپ بولادى.

3. ءبىلىم ارتىق، ول دوسىڭدى كوبەيتەدى، بايلىق دۇشپانىڭدى ارتتىرادى.

4. ءبىلىم ارتىق، ونى قانشا جۇمساعانمەن ازايمايدى. بايلىقتى جۇمساي بەرسەڭ، ءبىر كۇنى تۇگەسىلەدى.

5. ءبىلىم ارتىق، ونى ۇرى-قارىدان ساقتاۋدىڭ كەرەگى جوق، ال جيعان دۇنيەڭدى سىرت كوزدەردەن قورعاشتاۋمەن وتەسىڭ.

6. ءبىلىمىڭ كوپ بولسا ەل ساعان قىزىعادى، بايلىعىڭ كوپ بولسا ەل سەنى قىزعانادى، ءبىلىمنىڭ ارتىق بولاتىنى سول.

7. ءبىلىم ارتىق، ءبىلىمىڭ كوپ بولعانمەن ەسەپ-قيساپ جۇرگىزبەيسىڭ، بايلىعىڭا ۇدايى ەسەپ جۇرگىزىپ تۇرۋىڭ كەرەك.

8. ءبىلىم قانشا كوپ بولسا دا ءىرىپ-ءشىرىپ كەتپەيدى، دۇنيە-مال بولسا بۇلىنەدى، سوندىقتان دا ءبىلىم ارتىق.

9. ءبىلىم ارتىق، ول كىسىلىگىڭ مەن كىشىلىگىڭدى ارتتىرادى. بايلىق بولسا ساراڭدىق پەن قوماعايلىعىڭدى ارتتىرادى.

10. شىنايى ءبىلىمدى ادام ورنىمەن سويلەيدى، ىزەتتىلىگى دە ارتادى. بايلىعى مول ادام وعان ماستانىپ ماقتانادى، استامشىلىق كورسەتەدى، سوندىقتان ءبىلىم ارتىق، - دەگەن ەكەن.

ساۋلە مەشيتبايەۆانىڭ ف ب-الەۋمەتتىك جەلىسىندەگى پاراقشاسىنان الىندى.

 

kazbilim.kz