اۋەجايدا ايەلدەر قول جۇگىنەن 109 جانۋار تابىلدى - فوتو

None
None

نۇر- سۇلتان. قازاقپارات - تايلاند اۋەجايىندا ءۇندىستانعا 109 ءتىرى جانۋاردى باگاجىندا الىپ وتپەك بولعان ەكى ايەل ۇستالدى، دەپ حابارلايدى قازاقپارات ABC News باسىلىمىنا سىلتەمە جاساپ.

وقيعا بانگكوكتىڭ سۋۆارنابحۋمي اۋەجايىندا ورىن العان. ءۇندىستاندىق ەكى ايەلدىڭ چەموداندارىن جوسپارلى رەنتگەندىك تەكسەرۋ كەزىندە اۋەجاي قاۋىپسىزدىك قىزمەتىنىڭ نازارىنا كۇدىكتى زاتتار تۇسكەن. جۇكتى تەكسەرۋ كەزىندە بارلىعى 109 جانۋار تابىلدى، سونىڭ اراسىندا ەكى جايرا، ەكى كىرەۋكەي، 35 تاسباقا، 50 قۇبىلعى جانە 20 جىلان بولعان. ەكى ايەل قاماۋعا الىندى. ولارعا جانۋارلار دۇنيەسىن ساقتاۋ جانە قورعاۋ، جانۋارلار اراسىنداعى ىندەت جانە ادەت-عۇرىپتار تۋرالى جەرگىلىكتى بىرنەشە زاڭدى بۇزدى دەگەن ايىپ تاعىلىپ وتىر.


تايلاندتىڭ ۇلتتىق ساياباقتار، جابايى تابيعات جانە وسىمدىكتەردى قورعاۋ دەپارتامەنتىنىڭ بۇعان دەيىنگى مالىمدەمەسىندە ءتىرى قالعان جانۋارلار جابايى تابيعاتتى قۇتقارۋ ورتالىقتارىنا جىبەرىلەتىنى ايتىلعان.


سوڭعى جاڭالىقتار