07:25, 30 - ناۋرىز 2020 | GMT +6
اتىراۋدا كوروناۆيرۋس جۇقتىرعاندارمەن 109 ادام بايلانىستا بولعان
اتىراۋ. قازاقپارات - اتىراۋ وبلىسىندا كوروناۆيرۋس ينفەكتسياسىن جۇقتىرعان 6 ناۋقاسپەن 100 دەن استام ادام بايلانىستا بولعان، دەپ حابارلايدى قازاقپارات.
وڭىرلىك كوممۋنيكاتسيالار قىزمەتىنىڭ مالىمەتىنشە، ىندەتكە شالدىققان 6 ناۋقاسپەن قارىم-قاتىناس جاساعان 109 ادام انىقتالىپ، ولاردىڭ بارلىعى وقشاۋلانعان.
«ولاردان كوروناۆيرۋس ينفەكتسياسىنىڭ بار-جوعىن انىقتاۋ ءۇشىن اناليز الىندى. ونىڭ قورىتىندىسىمەن 67 ادامدا تەست تەرىس ناتيجە كورسەتتى. ال، قالعان 42 ادامنىڭ تەست قورىتىندىسى جۋىق ارادا بەلگىلى بولادى»، - دەلىنگەن مالىمەتتە.
ايتا كەتەيىك، 29 - ناۋرىز كۇنى اتىراۋ وبلىسىندا كوروناۆيرۋس جۇقتىرۋدىڭ التىنشى وقيعاسى راستالدى.