الماتىدا ۋنيۆەرسيادانى وتكىزۋگە جانە ينفراقۇرىلىمدى دامىتۋعا 109 ميلليارد تەڭگە بولىنگەن
بۇگىن قازاقستان رەسپۋبليكاسى پرەمەر-ءمينيسترىنىڭ ورىنباسارى، 28-دۇنيەجۇزىلىك قىسقى ۋنيۆەرسيادا-2017 ۇيىمداستىرۋ كوميتەتىنىڭ ءتوراعاسى يمانعالي تاسماعامبەتوۆ سپورت نىساندارىنىڭ دايىندىعىن تەكسەرىپ، كوشپەلى كەڭەس وتكىزدى.
الماتى قالاسىنىڭ اكىمى باۋىرجان بايبەك ۋنيۆەرسيادانى وتكىزۋ مەگوپاليستىڭ دامۋىنا، قىزمەت كورسەتۋ ساپاسىنا ايتارلىقتاي ىقپال ەتكەنىن ايتتى.
اكىمنىڭ ايتۋىنشا، ۋنيۆەرسيادانى وتكىزۋگە، الماتىدا ينفراقۇرىلىمدى دامىتۋ مەن قۇرىلىسقا رەسپۋبليكالىق بيۋدجەتتەن 109 ميلليارد تەڭگە بولىنگەن.
«ۋنيۆەرسيادا نىساندارىن سالۋ كەزىندە 1550 شاعىن جانە ورتا بيزنەس وكىلدەرى جۇمىسپەن قامتىلىپ، قۇرىلىس سالاسىندا 30 مىڭنان اسا جۇمىس ورنى اشىلدى. 9,2 ميلليارد تەڭگە سالىق تولەندى. ۋنيۆەرسيادانىڭ وپەراتسيالىق دايىندىقتارىنا 5 مىڭ جۇمىسشىسى بار 200 كومپانيا تارتىلدى، ونىڭ 80 پايىزى الماتىلىقتار. بيۋدجەتكە تۇسكەن 12,3 ميلليارد تەڭگەنىڭ 1,5 ميللياردى باسقا سالىقتاردى ەسەپتەمەگەندە، قوسىمشا قۇن سالىعى رەتىندە قايتادى»، - دەدى باۋىرجان بايبەك.
اۆتور: الماس مۇقاش ۇلى
