اپتاپ ىستىقتان 108 ادام اۋرۋحاناعا جەتكىزىلدى
«جاستارعا ارنالعان مادەني وليمپيادا» اتالعان دۇنيەجۇزىلىك سلەتتىڭ اشىلۋ سالتاناتى سارسەنبى كۇنى كەشكە ءوتتى.
بيىل ەلدىڭ وڭتۇستىك-باتىس جاعالاۋىنداعى ءىس-شاراعا 158 ەلدەن 43 مىڭعا جۋىق جاس سكاۋت جينالدى.
ۇيىمداستىرۋ كوميتەتىنىڭ مالىمەتىنشە، 108 قاتىسۋشى ىستىقتان زارداپ شەكتى. 31 ادام باس اۋرۋى مەن ءىشتىڭ اۋىرۋىنا شاعىمدانىپ، مەديتسينالىق كومەك سۇرادى. ەكى ادام ءالى دە مەديتسينالىق مەكەمەلەردە ەمدەلۋدە.
ۇيىمداستىرۋ كوميتەتى قوسىمشا مەديتسينالىق پەرسونالدى — 30 دارىگەر مەن 60 مەدبيكەنى تارتاتىنىن جانە لاگەردەگى پاتسيەنتتەرگە كۇتىم جاساۋ ءۇشىن توسەك سانىن 220 عا دەيىن ارتتىراتىنىن ايتتى.
قازىرگى ۋاقىتتا مۇندا 70 توسەك ورنالاستىرىلعان.
ءىس-شارانىڭ سوڭعى بولىگىنىڭ الدىندا بىرنەشە ادام ەسىنەن تانىپ قالدى. ءورت سوندىرۋشىلەر ءىس-شارانى توقتاتۋدى تالاپ ەتتى.
كەيىنىرەك ۇيىمداستىرۋ كوميتەتىنىڭ وكىلدەرى سكاۋتتاردى ادەتتەن قاتتى ىستىقتان قورعاۋ ءۇشىن قوسىمشا شارالار قابىلداۋعا ۋادە بەردى.
پروۆينتسيادا ىستىق كۇن رايى سلەتتىڭ سوڭىنا دەيىن ساقتالادى دەپ بولجانىپ وتىر.
سولتۇستىك چوللا پروۆينتسياسىنىڭ 14-ايماعىندا، سونىڭ ىشىندە بۋاندا قاتتى ىستىق بولاتىنى تۋرالى ەسكەرتۋ جاريالانادى.
