تەڭىزدە 108 جىل جۇزگەن ىشىندە حاتى بار بوتەلكە تابىلدى
ول حاتى بار ەڭ كونە بوتەلكە رەتىندە گيننەستىڭ رەكوردتار كىتابىنا ەنگىزىلدى.
بوتەلكەنى 1906-جىلى تەڭىز بيولوگى دجوردج پاركەر بيددەر تاجىريبە وتكىزۋ بارىسىندا سۋعا اعىزىپ جىبەرگەن.
ونىڭ ىشىندە بوتەلكەنى تاۋىپ الىپ پليمۋت قالاسىنداعى بريتان تەڭىز بيولوگيالىق قاۋىمداستىعىنا قايتارۋ جونىندە ۋاقىتى كورسەتىلمەگەن ءوتىنىش حات بولعان. قاۋىمداستىق بوتەلكەنى تاپقان ادامعا ءبىر شيللينگ بەرۋگە ۋادە ەتكەن.
پليمۋتتەگى قاۋىمداستىقتىڭ حابارلاۋىنشا، سىناق جۇرگىزۋ كەزىندە تەڭىزگە مىڭداعان بوتەلكە جىبەرىلگەن. بيددەر قاتارىنان ەكى جىل بويى ىشىندە حات سالىنعان بوتەلكەلەر جىبەرىپ، ولاردى تاۋىپ العانداردىڭ ورنى بويىنشا اعىس باعىتىن انىقتاعان. كوپتەگەن بوتەلكەلەر قايتارىلماعان. ال ەڭ سوڭعىسى تەڭىزدە 108 جىل، ءتورت اي 18 كۇن بولعان.
ونى سولتۇستىك تەڭىزىنەن تاۋىپ العان زەينەتكەر ماريان ۆينكلەر بوتەلكەنى قاعازدا كورسەتىلگەن مەكەن-جايعا جىبەرىپ ءبىر شيللينگكە يە بولدى. بوتەلكە بريتانيا جاعالاۋىنان 500 شاقىرىم الىسقا ءجۇزىپ بارعان.
بۇعان دەيىنگى حاتى بار بوتەلكە رەكوردى 2013-جىلى تابىلدى. ول تەڭىزدە 99 جىل 43 كۇن بولعان.
