يراندىق 107 جاستاعى قاريا سايلاۋعا تۇسۋگە بەل بۋدى

 استانا. قازاقپارات - 107 جاستاعى يران تۇرعىنى فەيزوللا فاتحي جەرگىلىكتى بيلىك ورگانى سايلاۋىنا قاتىسۋ ءۇشىن ءوز كانديداتۋراسىن تىركەدى.

 بۇل تۋرالى سەيسەنبى، 28 - ناۋرىزدا BBC News حابارلادى.

 ەر ادام ديۆاندەردەگى شاحرەستانعا (كۇردىستان پروۆينتسياسى) اۋىل كەڭەسىنە داۋىسقا ءتۇسۋدى جوسپارلاعان ءوزىنىڭ 73 جاستاعى زايىبى دجاحانمەن بىرگە سايلاۋ كوميسسياسىنا كەلگەن.

 فەيزوللا فاتحي ەگەر سايلانعان جاعدايدا «حالىققا قىزمەت ەتەتىندىگىن جانە وزەكتى ماسەلەلەرگە باستى نازار اۋداراتىندىعىن» مالىمدەدى.

بيلىكتىڭ جەرگىلىكتى ورگاندارىنا بۇدان بۇرىن تىركەلگەن 1889 كانديداتتىڭ جاسى 75-تەن اسادى.

داۋىس بەرۋ 19 - مامىردا بولاتىن يران پرەزيدەنتى سايلاۋىمەن ءبىر ۋاقىتتا وتەدى دەپ كۇتىلىپ وتىر.

ەسكە سالا كەتسەك، 2016 -جىلعى ۇلتتىق حالىق ساناعى بارىسىندا يراندىق كۇردىستان پروۆينتسياسىندا ەلدەگى ەڭ كارى ادامدى -134 جاستاعى احمادا سۋفيدى تاپقان بولاتىن.

اۆتور: ەرلان قوجاكەلديەۆ