اتىراۋدا كارانتيندى بۇزعاندارعا قاتىستى 106 اكىمشىلىك ءىس قوزعالدى
وبلىستىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ مالىمەتىنشە، موبيلدى توپتار ساۋدا جانە سەرۆيستىك قىزمەت كورسەتەتىن 1243 نىسانعا رەيد جۇرگىزگەن.
«رەيد كەزىندە جەكە تۇلعالار مەن شاعىن جانە ورتا كاسىپكەرلىك نىساندارىنا قاتىستى 29,5 ميلليون تەڭگەنىڭ 106 اكىمشىلىك ءىسى قوزعالدى. سونىڭ ىشىندە نىسانداردا قىزمەتىن كورسەتۋ كەزىندە كارانتين تالابىن بۇزعان 42 جەكە تۇلعاعا ايىپپۇل سالىندى. جەكە تۇلعالارعا سالىنعان ايىپپۇلدىڭ جالپى سوماسى 2 ميلليون 291 مىڭ تەڭگە. سونداي-اق، 36 ازىق-تۇلىك دۇكەنى مەن 4 قوعامدىق تاماقتانۋ ورنى، 1 كومپيۋتەرلىك ويىن كلۋبى مەن 1 ۇيالى بايلانىس دۇكەنى، 4 كولىك جوندەۋ ورتالىعى مەن 1 قۇرىلىس دۇكەنى، 3 جانارماي قۇيۋ ستانساسى مەن 1 سۋپەرماركەتتىڭ يەسىنە اكىمشىلىك شارا قولدانىلدى. ولارعا سالىنعان ايىپپۇلدىڭ كولەمى - 27,158 مىڭ تەڭگە»، - دەپ حابارلادى دەپارتامەنتتىڭ باسپا ءسوز قىزمەتى.
ەسكە سالا كەتەلىك، بۇدان بۇرىن اتىراۋدا كارانتيندى بۇزعاندارعا 8,3 ميلليون تەڭگەنىڭ اكىمشىلىك ءىسى قوزعالعان ەدى.
