قىزىلوردادا 106 جاستاعى اناعا قۇرمەت كورسەتىلدى
وسىعان وراي «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى يبادۋللا قۇتتىقوجايەۆ پەن ورىنباسارى ەرجان بايتىلەس بۇگىندە 106 جاسقا تولعان ءازيز انا ءرابيعا قويانبايەۆانى قۇتتىقتاپ، وعان رەسپۋبليكالىق «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆتىڭ مەرەكەلىك قۇتتىقتاۋىن تابىستادى، دەپ حابارلايدى قازاقپارات.
عاسىر- عۇمىر يەسى ءومىر وتكەلىندە كوپ قيىندىقتى كوردى. سوعىس جىلدارىندا تىلدا ەڭبەك ەتىپ، بەرەكەلى ءىستى بەكەم ەتتى. 1929 -جىلدارى اكەسى قۋعىنعا ۇشىراپ، بۇل وتباسىنىڭ باسىنا كوپ تاۋقىمەت ءتۇستى. ءرابيعا اپاي اشارشىلىقتى كوزبەن كورگەن بۇگىنگى كۋاگەردىڭ ءبىرى. ودان بەرى دە ماساق تەرىپ، كۇرىش تە اقتادى. سول ەڭبەكتىڭ زەينەتىن دە كوردى. جان جارى مىرزاحمەت ەكەۋى شاڭىراق كوتەرىپ، 6 بالانى ومىرگە اكەلدى. قازىر ماۋەلى بايتەرەك سەكىلدى سول ۇرپاعىنىڭ ورتاسىندا باقىتتى عۇمىر كەشىپ وتىر. شوبەرە-شوپشەك ءسۇيىپ، اۋلەتتىڭ ءازيز اناسىنا اينالدى.
«بۇگىندە ەلىمىزدىڭ بەيبىت ءومىر ءسۇرىپ وتىرعانى قۋانتادى. وسى ورايدا ەلباسىنىڭ كورەگەن ساياساتىن جوعارى باعالايمىز. ءبىز كوپ قيىندىق كوردىك. ءاردايىم بەيبىتشىلىك بولا بەرسىن»، دەدى ابزال انا.
پارتيانىڭ «ارداگەرلەردى ارداقتايىق» جوباسى اياسىندا ۇيىمداستىرىلىپ وتىرعان اكسيا بارلىق اۋماقتىق فيليالداردا جالعاسىن تاپتى.
ادىلەت قاڭتاربايەۆ.
