ۆيتسە-ءمينيستر اتىراۋدا 105 جۇكتى ايەل كوروناۆيرۋستان ەمدەلىپ جاتقان ستاتسيونارعا باردى - فوتو
اتىراۋ وبلىسىنا جۇمىس ساپارى اياسىندا دەنساۋلىق ساقتاۋ ۆيتسە-ءمينيسترى اجار عينيات وبلىستىق اۋرۋحانانىڭ جۇقپالى اۋرۋلار بولىمىندە بولدى. مودۋلدىك ستاتسيونار 200 توسەككە ەسەپتەلگەن، ءبىراق بۇگىنگى كۇنى ينفەكسيالىق بولىمشەدە 205 ادام، ونىڭ ىشىندە 105 جۇكتى ايەل ەم الىپ جاتىر. رەانيماتسيادا 25 پاتسيەنت بار، ونىڭ ۇشەۋى - اۋىر حالدەگى جۇكتى ايەلدەر.
اۋرۋحانا 2020 -جىلى سالىنعان. نىساندا تازا ايماققا، قولجەتىمدىلىگى شەكتەۋلى ايماققا (جارتىلاي) جانە وقشاۋلاۋ ايماعىنا ءبولۋ ستاندارتتارى قولدانىلادى.
قىزمەتكەرلەر مەن پاتسيەنتتەرگە ارنالعان دالىزدەر كروسس- ينفەكسيانىڭ الدىن الۋ ءۇشىن قاتاڭ رەتتەلگەن.
مودۋلدىك ينفەكسيالىق ستاتسيوناردىڭ بۇكىل پالاتالارى وتتەگىمەن تولىق قامتاماسىز ەتىلىپ، ءاربىر پاتسيەنتكە جەتكىزىلدى.
اۋرۋحانادا كوروناۆيرۋس ينفەكسياسىمەن اۋىراتىن ناۋقاستاردى ەمدەۋگە ارنالعان بارلىق قاجەتتى جابدىقتار مەن ءدارى-دارمەك بار. اجار عينيات وڭىردەگى جاعداي كۇردەلى ەكەنىن اتاپ ءوتىپ، covid-19-عا قارسى كۇرەستە الدىڭعى قاتاردا جۇرگەن دارىگەرلەرگە ريزاشىلىعىن ءبىلدىردى.