يليا يلين: ۇلتتىق قۇرامادا 105 كەلىگە دەينگى سالماقتا مىقتى قارسىلاس پايدا بولعانىنا ريزامىن
- نەلىكتەن ءسىز حيۋستوندا (ا ق ش) وتكەن الەم چەمپيوناتىنا قاتىسپادىڭىز؟
- دوسىم الەكساندر زايچيكوۆ ۇلتتىق قۇرامادا مەنىمەن ءبىر سالماقتا. ءبىز ءبىر قالادانبىز. ارينە ونىڭ سپورتتىق كارەراسىنىڭ ماعان قاتىسى جوق. ءبىراق الەكساندر ءوزىن الەم چەمپيوناتىندا سىناپ كورۋ قاجەت بولدى. ارينە ونىڭ حيۋستونداعى تاماشا جەڭىسىنە قاتتى قۋاندىم.
ال گروزنىيدا ەكەۋمىز تۇعىر بيىگىندە تۇرعان ساتتە كەۋدەمدى ۇلكەن ماقتانىش كەرنەدى. ۇلتتىق قۇرامادا 105 كەلىگە دەينگى سالماقتا مىقتى قارسىلاس پايدا بولعانىنا ريزامىن. قارسىلاسىم ماعان وتە جاقىن، ول قىزىلوردالىق جەرلەسىم عانا ەمەس ەڭ جاقىن دوستارىمنىڭ ءبىرى.
- ءسىز باسەكەلەستىكتەن قورىقپايسىز با؟
- جوق، كەرىسىنشە بۇل باسەكەلەستىكتى ودان ارى جانداندىرعىم كەلەدى. سول سەبەپتى جىگىتتەرگە تاكتيكالىق جانە تەحنيكالىق تۇرعىدان كومەكتەسىپ تۇرامىن. باسەكەلەستىك بار جەردە سپورتشى ءارقاشان الدىعا ىلگەرلەيدى. ال ەگەر جالعىز دايىندىق بولسا ءبىر دەڭگەيدە قالىپ كەتەدى. سول سەبەپتى ءوزىمنىڭ جاقىن دوستارىمنىڭ ءبىرى وزبەكستاندىق رۋسلان نۋريدديونۆقا دا كومەكتەسىپ تۇرامىن. مەن الداعى كارەراما ناقتى ماقساتتار قويعانمىن. قازىرگى باستى ماقساتىم - ءۇشىنشى وليمپيادا التىنى جانە ءتورتىنشى وليمپياداما دايىندالۋ. بۇل ماقساتىما ەشقانداي كەدەرگىسىز كەلە جاتىرمىن. بۇل وزىمە دەگەن سەنىمىدىلىك ەمەس. جارىس كەزىندەگى قارسىلاستارىمنىڭ باسەكەلەستىگىنە دەگەن سەنىمدىلىك.
- ريو 2016 كەلەسى جارىسىڭىز با؟
- ءبىز تەك جوسپار قۇرا الامىز. ءبىراق ءبىزدىڭ سپورتتا ءجيى جارىسقا شىعۋ وتە ۇلكەن ەنەرگيانى قاجەت ەتەدى. ءبىر نارسەنى اشىق ايتا الام - مەنىڭ باستى كوزدەگەنىم - ريو 2016.
alaman.kz
