قويدى 105 رەت كوتەرىپ، كوپشىلىكتى تاڭعالدىردى
اۋدان جۇرتشىلىعى ورتالىق الاڭدا قازاق حاندىعىنىڭ 550 جىلدىق مەرەيلى مەرەكەسىن كەڭ كولەمدە اتاپ ءوتتى.
كۇمبىرلەگەن كۇي مەن اسەم اۋەن قالا اسپانىندا قالىقتاپ، سالتاناتتى شارانىڭ اجارىن اشا ءتۇستى. اياگوز ءوڭىرىنىڭ باسىنان كەشىرگەن تارتىستى وقيعالارى مەن سان سالالى قاتپارلى تاريحىنان سىر شەرتەتىن ۇلتتىق قۇندىلىقتارىمىز اسپەتتەلىپ، ءان مەن بيگە كەزەك بەرىلدى. مەرەكەلىك شارا بارىسىندا «قوزى كورپەش- بايان سۇلۋ» اتىنداعى اياگوز اۋداندىق مادەنيەت ءۇيىنىڭ ونەرپازدارى جينالعاندارعا مەرەكەلىك كوڭىل كۇي سىيلاپ، ءان مەن جىردان، كۇمبىرلەگەن كۇيدەن شاشۋ شاشتى.
جاستار الاڭدا قۇرىلعان التىباقانداردا ءتۇننىڭ ءبىر ۋاعىنا دەيىن تەربەلىپ، مەرەكە اجارىن اشا ءتۇستى. مەرەكەلىك كەشتە اۋداندىق «جاستار ورتالىعىنىڭ» ۇيىمداستىرۋىمەن «ارقان تارتىس»، «قوي كوتەرۋ» سەكىلدى ۇلتتىق سايىستار ءوتتى. ماسەلەن، «قوي كوتەرۋ» سايىسىنا قاتىسقان ۇمىتكەرلەردىڭ بارشاسىنان باسىم تۇسكەن باقىتجان 105 رەت كوتەرىپ، قويدى ۇتىپ الدى.
وسىلايشا، قازاق حاندىعىنىڭ 550 جىلدىق مەرەيلى تويى اۋدان ورتالىعىندا دۇركىرەپ ءوتتى. تويدىڭ جالعاسى بارلىق اۋىلدىق وكرۋگتەردە وتۋدە.
اياگوز اۋدانى.
didar-gazeti.kz