امەريكالىق 104 جاستاعى كەيۋانا ۇزاق جاساۋدىڭ قۇپياسىمەن ءبولىستى

استانا. قازاقپارات - 1 - قاڭتار كۇنى 104 جاسقا كەلگەن امەريكالىق ايەل ۇزاق جاساۋدىڭ قۇپياسىمەن ءبولىستى. بۇل تۋرالى ريا نوۆوستي حابارلادى.

ميچيگان شتاتىندا تۇراتىن تەرەزا روۋلي كۇنىنە كەم دەگەندە ءبىر قۇتى ديەتالىق كولا ىشەدى. ۇزاق جاساۋدىڭ قۇپياسى دا وسىندا دەيدى ول.

«ول سۋسىن ماعان ۇنايدى، سوندىقتان ىشەمىن. ديەتالىق كولا ساتىپ الۋ ءۇشىن سارسەنبى كۇنى دۇكەنگە بارامىن. ۇيىمدە ءبىر قاپ بوس قۇتى جاتىر، سولاردى تاپسىرىپ، ديەتالىق كولانى كوبىرەك ساتىپ الۋىم كەرەك»، - دەيدى روۋلي.

ديەتالىق كولا ا ق ش- تا 1982 -جىلى، كەيۋانا 68 جاستا بولعاندا شىعارىلا باستادى.

الايدا، عالىمداردىڭ پىكىرىنشە، ءروۋليدىڭ ۇزاق جاساۋىنا بۇل سۋسىننىڭ ەش قاتىسى جوق. سەبەبى، عالىمداردىڭ زەرتتەۋىنە سايكەس، ديەتالىق كولا قۇرامىندا كالوريا مولشەرى تومەن بولعانىمەن، ول سەمىزدىك پەن ديابەتكە، ينسۋلت پەن دەمەنتسياعا سەبەپ بولۋى مۇمكىن.