قازاقستاندىق فۋتبولشىلارعا ءبىر جىلدا 104 ميلليون ەۋرو جالاقى تولەندى

استانا. قازاقپارات - وسىدان ءبىر- ەكى كۇن بۇرىن ۋەفا 2015 -جىلعى قارجىلىق ەسەپتەمەسىن جاريالادى.
None
None

ەۋروپا فۋتبولىنىڭ سەگىزىنشى سالىستىرمالى ەسەپ- قيسابىندا كوپتەگەن دەرەكتەر بار.

قىزىقتى دەرەكتەر

ۋەفا 2015 -جىلعى قارجىلىق ەسەپتەمەسىندە سوڭعى 20 جىلدا فۋتبول كلۋبتارىنىڭ تابىسى ءوسىپ كەلە جاتقاندىعىن ايرىقشا اتاپ وتكەن. بۇگىندە ەۋروپا كلۋبتارىنىڭ جالپى پايداسى شامامەن 17 ميلليارد ەۋرو ەكەن.

ەۋروپا فۋتبولىندا بۇرىن- سوڭدى بولماعان ينۆەستيتسيا دەڭگەيى دە بايقالاتىن كورىنەدى. مىسالى، 2014-2017 -جىلدارى 58 جاڭا ستاديون پايدالانۋعا بەرىلگەن. ال بۇعان دەيىنگى ءتورت جىلدىقتا (2010-2013 ج ج) 23 ستاديون سالىنعان ەكەن.

جالپى، بۇگىنگى تاڭداعى ەكونوميكالىق داعدارىس كەزىندە ەۋروپا فۋتبولىنىڭ پايدا كورىپ، تابىس تابۋىنا «قارجى فەير- پلەيى» كوپ اسەر ەتكەن كورىنەدى. ماسەلەن، سوڭعى ەكى جىلدى وپەراتسيالىق جيىنتىق پايدا 1,5 ميلليارد ەۋروعا دەيىن وسكەن. ال «قارجى فەير- پلەيى» ەنگىزىلگەنگە دەيىنگى ەكى جىلدا شىعىن سوماسى 700 ميليون ەۋروعا جەتكەن.

جالپى، ۋەفا- نىڭ 130 بەتتىك قارجىلىق ەسەپ- قيسابىندا كوپتەگەن قىزىقتى دەرەكتەر بار. ەندى سولاردىڭ بىرنەشەۋىنە توقتالىپ وتەيىك:

 - 2015/2016 -جىلدار ماۋسىمىندا ەۋروپا چەمپيوناتتارىنىڭ ويىندارىن 170 ميلليون كورەرمەن ستاديوننان تاماشالاعان. مۇنىڭ 55 ميلليونى - انگليا جانە گەرمانيا چەمپيوناتتارىنىڭ كورەرمەندەرى.

 - ءدال قازىر ەۋروپانىڭ توپ- ليگالارىنداعى 44 كوماندانىڭ قوجايىنى - شەتەلدىكتەر (18 مەملەكەتتەن).

 - لەگيونەرلەرى ەڭ كوپ چەمپيونات - انگليا پرەمەر- ليگاسى (شامامەن 70 پايىزى شەتەلدىك فۋتبولشىلار).

 - 28 مەملەكەتتە كومانداداعى فۋتبولشىلار سانىنا، ال 15 ليگادا ويىنشىلاردى جالعا بەرۋگە شەكتەۋ قويىلعان.

 - ەۋروپاداعى ەڭ ۇزدىك 15 كلۋب دەمەۋشىلىك كەلىسىمدەر مەن جارنامادان 1,51 ميلليارد پايدا كورگەن (148 پايىز). ال ۋەفا قۇرامىنداعى ەلدەردىڭ ەڭ جوعارعى ديۆيزيوندارىندا وينايتىن قالعان 700 كلۋبتىڭ (شامامەن، دوڭگەلەتىپ الىنعان) مۇنداي تابىستارى 453 ميلليون ەۋرو «عانا» (17 پايىز).

جالاقىنى كوپ تولەيمىز...

ۋەفا قارجىلىق ەسەپتەمەسىندە ءار ەلدىڭ جوعارى توبىنداعى كلۋبتاردىڭ 2015/2016 -جىلدار ماۋسىمىندا فۋتبولشىلارىنا قانشا جالاقى تولەگەندىگى دە ەسەپتەلىپ شىعارىلعان.

بۇل رەتتە، قازاقستان پرەمەر- ليگاسىندا فۋتبولشىلارعا 104 ميلليون ەۋرو جالاقى تولەنگەن. سوندا ورتا ەسەپپەن ءاربىر كلۋبىمىز 8,7 ميلليون ەۋرونى جالاقى تولەۋگە جۇمسايدى. بۇل كورسەتكىش جاعىنان ءبىز ەۋروپادا 13-ورىندا ەكەنبىز.

كوش باسىندا - انگليا پرەمەر- ليگاسى (2,69 ميلليارد ەۋرو). جالپى، ءبىزدىڭ الدىمىزداعى ەلدەر - گەرمانيا، يتاليا، يسپانيا، فرانسيا، رەسەي، تۇركيا، نيدەرلاندى، شۆەيتساريا، بەلگيا، پوتۋگاليا، اۆستريا.

دەسەك تە، قازاقستان پرەمەر- ليگاسىنىڭ كلۋبتارى جالاقىعا كوپ قارجى جۇمسايدى ەكەن. مىسالى، ءبىزدىڭ كلۋبتارىمىز جالپى كىرىستەرىنىڭ 78پايىزىن فۋتبولشىلارىنىڭ جالاقىسىنا تولەيدى. بۇل تۇرعىدا، تەك تۇركيا عانا بىزدەن اسىپ تۇسكەن. تۇرىك اعايىندارىمىز جالپى كىرىستەرىنىڭ 80 پايىزىن جالاقى تولەۋگە جۇمساپتى. ال اعىلشىن پرەمەر- ليگاسى -  61 پايىز، بۋندەسليگا - 52  پايىز، ا سەرياسى - 69 پايىز، لا- ليگا - 60 پايىز.

دەرەككوز: استانا فۋتبول فەدەراتسياسى

سوڭعى جاڭالىقتار