16:15, 25 - شىلدە 2014 | GMT +5
اقتاۋدا 104 كەلى بەكىرە بالىعىن ۇرلاعان ازامات ۇستالدى
اقتاۋ. قازاقپارات - ماڭعىستاۋ وبلىسى ىشكى ىستەر دەپارتامەنتى تابيعاتتى قورعاۋ پوليتسياسى بولىمشەسىنىڭ قىزمەتكەرلەرى اقتاۋ قالاسى «رۋبەج» 20№ پۋنكتىندەگى جەدەل ىزدەستىرۋ شارالارى بارىسىندا 22 جاستاعى ازاماتتى ۇستادى.
«ۇستالعان ازامات ءتۇپقاراعان اۋدانىنىڭ تۇرعىنى بولىپ شىقتى. اقتاۋعا كىرەبەرىستە ونىڭ «مازدا» ماركالى كولىگى توقتاتىلدى. كولىكتىڭ جۇكسالعىشىنان جالپى سالماعى 104 كەلى بەكىرە تۇقىمداس 25 بالىق تابىلىپ، تاركىلەندى. مەملەكەتكە كەلتىرىلگەن زالال 866 مىڭ 736 تەڭگەنى قۇرايدى»، - دەدى ءى ءى د باسپا ءسوز قىزمەتىنىڭ وكىلى شولپان يۋلداشەۆا.
قازىرگى ۋاقىتتا تەرگەۋ امالدارى جۇرگىزىلۋدە. ءتيىستى ماتەريالدار سوتقا جىبەرىلدى.
