08:12, 31 - تامىز 2017 | GMT +6
شەكارادان 103 مىڭ دوللاردى زاڭسىز الىپ وتپەك بولعان
استانا. قازاقپارات - اتىراۋدان تۇركيانىڭ انتالياسىنا ۇشىپ شىققان رەيس جولاۋشىسى دەكلاراتسيادا كورسەتىلمەگەن اقشانى الىپ وتكەنى ءۇشىن ميلليوننان استام تەڭگە مولشەرىندە ايىپپۇلمەن جازالاندى، دەپ جازادى اق جايىق.
9- ماۋسىمدا اتىراۋ حالىقارالىق اۋەجايىندا 484№ «اتىراۋ - انتاليا» حالىقارالىق رەيسىن راسىمدەۋ كەزىندە مەملەكەتتىك كىرىستەر دەپارتامەنتىنىڭ ەكونوميكالىق تەرگەۋ قىزمەتىنىڭ قىزمەتكەرلەرى شەكاراشىلارمەن بىرلەسىپ 27 جاستاعى ا. ا. -دان جاسىرىلعان 103300 ا ق ش دوللارىن تاۋىپ الدى.
سوتقا دەيىنگى تەكسەرۋ بارىسىندا زاڭ بۇزۋشى ءوز كىناسىن تولىق مويىنداپ، ءىس جۇرگىزۋ كەلىسىمىن جاسادى. 2№ اتىراۋ سوتى ونى ق ك 234-بابى («ەكونوميكالىق كونتراباندا») بويىنشا كىنالى دەپ تانىپ، جاسىرىلعان اقشالاي سومانى تاركىلەۋسىز، 500 ا ە ك (1 ميلليون 134 مىڭ 500 تەڭگە) مولشەرىندە ايىپپۇل تاعايىندادى.