تەلەديدار ۇزاق جاساۋعا كەدەرگى كەلتىرەدى دەپ سانايدى 103 جاستاعى زەينەتكەر
«بارلىق دوستارىمنىڭ ۇيىندە تەلەديدار بار، ال مەن ونىڭ بولعانىن قالامايمىن. مەن تىنىشتىقتى ۇناتامىن»، - دەپ ءتۇسىندىردى زەينەتكەرلىك جاسقا دەيىن كۇتۋشى بولىپ جۇمىس ىستەگەن قارت ايەل.
حيندلي بىردە- ءبىر تەلەكورسەتىلىمدى كورمەگەن: حانشايىم ەليزاۆەتا 2- گە ءتاج كيگىزۋ جوراسى، دجون كەننەديدىڭ ءولتىرىلۋى، ادام بالاسىنىڭ ايعا ۇشۋى، بەرلين قابىرعاسىنىڭ قۇلاۋى، 11- قىركۇيەكتەگى لاڭكەستىك ارەكەت - وسىنىڭ بارلىعى ونىڭ نازارىنان تىس قالعان.
تەلەديدار كورۋدىڭ ورنىنا حيندلي قارت ادامدارعا كۇتىم جاساعان. بۇدان باسقا، 1970 - جىلدارى حيندلي جانۋارلار پانالايتىن اۋداندىق ورىن اشقان. كوپ ۋاقىتىن ولارعا ارناعان ايەلدىڭ ايتۋىنشا، ونىڭ تەلەديدار قاراۋعا قولى تيمەگەن.
گەرترۋدا حيندليدىڭ ءوز بالاسى جوق، ول قارتتار ۇيىندە تۇرىپ جاتىر. جيەنى ريچارد حيندلي «ول شىنىمەن دە الەمدە نە بولىپ جاتقانى تۋرالى حابارسىز جۇرگەنىن» راستادى.
«مەنىڭ ويىمشا، ونىڭ ۇزاق جاساۋىنا سەبەپ وسى. ول جاڭالىقتاردى كورىپ، سوندا ەستىپ- كورگەنى ءۇشىن ۋايىمداماعان» ، - دەدى ول.