جىل باسىنان قازاقستان حالقى 103 مىڭ ادامعا ءوستى

استانا. قازاقپارات - جىل باسىنان قازاقستان حالقى 103 مىڭ ادامعا ءوستى. بۇل تۋرالى بۇگىن ق ر ستاتيستيكا اگەنتتىگىنىڭ ءتوراعاسى ءاليحان سمايىلوۆ ءمالىم ەتتى.

 «2014 - جىلدىڭ 1 - ماۋسىمىندا ەلىمىزدەگى حالىق سانى 17 ميلليون 264 مىڭ ادامدى قۇرادى جانە جىل باسىنان بەرى 103 مىڭ ادامعا نەمەسە 0,6 پايىزعا ءوستى» ، - دەدى ءا. سمايىلوۆ.

اگەنتتىك باسشىسىنىڭ سوزىنە قاراعاندا، 2014 - جىلدىڭ قاڭتار- مامىر ايلارى ارالىعىندا احات ورگاندارىندا دۇنيە ەسىگىن اشقان 160 مىڭ ءسابي تىركەلگەن. بۇل وتكەن جىلدىڭ سايكەس كەزەڭىمەن سالىستىرعاندا 0,6 پايىزعا كوپ.  
  «وسى كەزەڭ ارالىعىندا قايتىس بولعاندار سانى 55,8 مىڭ ادام. بۇل 2013 -جىلدىڭ قاڭتار- مامىرىمەن سالىستىرعاندا 7,2 پايىزعا از»، - دەدى اگەنتتىك ءتوراعاسى.  

اۆتور:   مارلان جيەمباي