ىشكى ىستەر ءمينيسترى: «102» جاساقتارى ءۇش مينۋتتا جەتەدى

None
None
 نۇر-سۇلتان. قازاقپارات - ىشكى ىستەر ءمينيسترى ەرلان تۇرعىمبايەۆ ازاماتتاردان ۋچاسكەلىك ينسپەكتورلارعا قوڭىراۋ شالماي، بىردەن 102 نومىرىنە حابارلاسىپ، پوليتسيا جاساعىن شاقىرۋدى سۇرادى.

ول پوليتسەيلەردىڭ وقيعا ورنىنا ءۇش مينۋتتا جەتەتىنى تۋرالى ۋادە بەردى، - دەپ حابارلايدى Tengrinews.kz ءتىلشىسى. جۋرناليستەر مينيستردەن ازاماتتاردىڭ زاڭبۇزۋشىلىق كەزىندە ۋچاسكەلىك ينسپەكتورعا حابارلاسۋ مۇمكىن ەمەستىگىن ايتىپ، شاعىمداندى.

«كەزەكشى ءبولىم بار. «102-گە» قوڭىراۋ شالىڭىز، كەز كەلگەن جاساق ءۇش مينۋتتا جەتىپ بارادى. ۋچاسكەلىك ينسپەكتورعا قوڭىراۋ شالۋدىڭ قاجەتى جوق. كەشكى ۋاقىتتا ۋچاسكەلىك ينسپەكتورلارعا بارا الاسىز، بىزدە ونداي بولىمشەلەر بار. ءبىراق ولاردىڭ جۇمىسى بار، ياعني پروفيلاكتيكالىق جۇمىس جۇرگىزىپ، ءوز اۋدانىن باقىلاپ جۇرەدى. ولار ءبىر جەردە وتىرا بەرمەيدى. ءاردايىم ءبىر جەردە وتىراتىن ول كەزەكشى ءبولىم»، - دەدى مينيستر.

سوڭعى جاڭالىقتار