07:37, 18 - ناۋرىز 2015 | GMT +5
شىمكەنتتە التى ايدا 102 بالانىڭ جۇرەگىنە وتا جاسالدى
شىمكەنت. قازاقپارات - وبلىستىق بالالار اۋرۋحاناسىندا 6 اي ىشىندە 102 جۇرەك وتاسى جاسالعان.
بۇعان دەيىن وسى اۋرۋحانانىڭ دارىگەرلەرى سالماعى 10 كەلى بولاتىن بالالارعا كۇردەلى جۇرەك وتاسىن جاساسا، ەندى ولار سالماعى 3 كەلىگە دەيىنگى بالالاردى دا ەمدەپ وتىر.
بۇل جايىندا 6 ايلىق جۇمىستىڭ ەسەبىن بەرگەن اۋرۋحانا باسشىلىعى مالىمدەدى. ولاردىڭ ايتۋىنشا، وڭىردە بالالار كارديوحيرۋرگياسى قارقىندى دامىپ كەلەدى.
سونىڭ ايعاعى - جەرگىلىكتى وتاشىلار وڭتۇستىك قازاقستاندىق بالاقايلاردى عانا ەمەس، تاراز، قىزىلوردا وڭىرلەرىنىڭ ناۋقاستارىن دا قابىلداۋدا. ايتۋلارىنشا، ەندى ءوڭىرىمىزدىڭ بوبەكتەرىنە ەمدەلۋ ءۇشىن استانا مەن الماتىعا بارۋدىڭ دا قاجەتى جوق، دەپ حابارلايدى Otyrar. KZ.
