07:31, 22 - قاڭتار 2019 | GMT +6
ءبىر وقپەن ەكى بۇعىنى 101 جاستاعى اڭشى جايراتىپ سالدى
استانا. قازاقپارات - اڭ اۋلاۋعا شىققان ا ق ش- تاعى مورگانتاۋن قالاسىنىڭ 101 جاستاعى تۇرعىنى ءبىر وقپەن ەكى بۇعىنى اتىپ الدى. بۇل تۋرالى WHNT-TV تەلەارناسى حابارلادى.
بەرتا ۆيكەرس تۋىستارى الدىن الا دايىنداعان پاناعا جاسىرىنعان.
ونىڭ قاسىنا جاس بۇعى تاياپ كەلگەن. ءبىراق قارت اڭشى ونى اتپاي وزگە ىرىلەۋىن كۇتكەن كورىنەدى. ال كوز الدىندا ۇلكەن بۇعى كولبەڭدەي بەرگەندە شۇرىپپەنى باسىپ قالادى. ارتىنشا قاراسا، جەردە ءبىر ەمەس ەكى بۇعىنىڭ سۇلاپ جاتقانىن كورەدى. شاماسى جانۋارلار قاتار كەلە جاتقان.